فرمان الہی
نماز کے اوقات
سابق آرمی چیف جنرل (ر) قمر جاوید باجوہ کے قریبی ذرائع نے بشریٰ بی بی کے الزام کی تردید کردی۔
اپنے حالیہ بیان میں بشریٰ بی بی کا کہنا تھا کہ بانی پی ٹی آئی جب مدینہ ننگے پاؤں گئے اور واپس آئے تو باجوہ کو کالز آنا شروع ہوگئیں۔ باجوہ کو کہا گیا کہ یہ آپ کس شخص کو لے کر آئے ہیں، ہمیں ایسے لوگ نہیں چاہئیں۔
انکا مزید کہنا تھا کہ باجوہ کو کہا گیا کہ ہم تو ملک میں شریعت ختم کرنے لگے ہیں اور آپ ایسے شخص کو لے کر آئے۔
تاہم سابق آرمی چیف کے قریبی ذرائع نے بشریٰ بی بی کے اس بیان کی تردید کی ہے۔
سینئر صحافی انصار عباسی کے مطابق پی ٹی آئی کی سکینڈ لیئر لیڈرشپ بھی بشریٰ بی بی کے بیان پر پریشان ہے، پی ٹی آئی کے سینئر رہنما کا کہنا ہے کہ بشریٰ بی بی نے سب کچھ پر پانی پھیردیا۔
انصار عباسی نے بتایا کہ جنرل باجوہ کے قریبی ذرائع کا کہنا ہے دورے کے بعد ان کے پاس کوئی کالز نہیں آئیں۔ بشریٰ بی بی نے جھوٹی بات کی۔ وہ خانہ کعبہ میں یہ بات کرنے کو تیار ہیں کہ یہ الزام جھوٹا ہے۔
