فرمان الہی
نماز کے اوقات
چیئرمین پی ٹی آئی بیرسٹر گوہر علی خان نے کہا ہے کہ ہم نےکوئی غلط اعداد و شمار نہیں بتائے بلکہ جاں بحق افراد کی تعداد 12 بتائی ہے۔
اسلام آباد میں صحافیوں سے گفتگو کرتے ہوئے بیرسٹر گوہر نے کہا کہ سیکڑوں جاں بحق افراد کی تعداد سے متعلق اعداد و شمار کو ہم نے اون نہیں کیا۔
انھوں نے کہا کہ بشریٰ بی بی کا کوئی سیاسی کردار نہیں ہے، بشریٰ بی بی نے خود احتجاج میں شرکت کی حامی بھری۔ ہماری قیادت پر تنقید کا مقصد اصل معاملے سے توجہ ہٹانا ہے۔
انھوں نے کہا تحریک انصاف الگ اور خیبر پختوانخوا حکومت کا کردار الگ چیز ہے۔
بیرسٹر گوہر علی خان نے کہا سلمان اکرم راجہ کا استعفیٰ ابھی منظور نہیں ہوا۔ ہمارے مطالبات کی منظوری کےلیے تحریک جاری رہے گی، آئندہ کا لائحہ عمل بانی پی ٹی آئی سے مشاورت سے دوں گا۔
