فرمان الہی
نماز کے اوقات
پاکستان کرکٹ ٹیم کے فاسٹ بولر شاہین شاہ آفریدی نے ٹی ٹوئنٹی انٹرنیشنلز میں اپنی وکٹوں کی سنچری مکمل کرلی۔
جنوبی افریقا کے خلاف ڈربن میں کھیلے گئے پہلے میچ میں شاہین شاہ آفریدی نے اپنی 100 وکٹیں مکمل کیں۔
شاہین آفریدی یہ سنگ میل عبور کرنے والے پاکستان کے تیسرے بولر ہیں۔ ان سے قبل حارث رؤف اور شاداب خان بھی وکٹوں کی سنچری کرچکے ہیں۔
دوسری جانب شاہین شاہ آفریدی نے ایک اور منفرد اعزاز بھی حاصل کرلیا۔ وہ انٹرنیشنل کرکٹ کے تینوں فارمیٹس میں 100 یا اس سے زائد وکٹیں لینے والے پہلے پاکستانی بولر بھی بن گئے ہیں۔
شاہین آفریدی نے ایک روزہ کرکٹ میں 112 اور ٹیسٹ کرکٹ میں 116 وکٹیں حاصل کر رکھی ہیں۔
