فرمان الہی
نماز کے اوقات
بھارتی ساؤتھ فلم انڈسٹری کے اسٹار اداکار الو ارجن کو گرفتار کر لیا گیا۔
بھارتی میڈیا کے مطابق الو ارجن کو 4 دسمبر کو سندھیا تھیٹر میں بھگدڑ مچنے کے معاملے پر تلنگانہ پولیس نے گرفتار کیا ہے۔
بھارتی پولیس آج صبح الو ارجن کے گھر پہنچی تھی جہاں سے انہیں سخت سیکیورٹی انتظامات کے ساتھ تھانے منتقل کر دیا گیا ہے۔
بھارتی میڈیا کے مطابق 4 دسمبر کو حیدرآباد کے سندھیا تھیٹر میں الو ارجن کی بلاک بسٹر فلم ’ پشپا 2 ‘ کی نمائش کے دوران بھگدڑ مچنے سے ایک خاتون ہلاک اور اس کے 2 بیٹے شدید زخمی ہو گئے تھے۔
میڈیا رپورٹس کے مطابق الو ارجن سمیت ان کی سیکیورٹی ٹیم اور سندھیا تھیٹر کی انتظامیہ کے خلاف قتل و تشدد کا مقدمہ درج ہے۔
بھارتی میڈیا کے مطابق مقامی پولیس کو اطلاع نہیں دی گئی تھی کہ الو ارجن فلم اسکریننگ کے لیے سندھیا تھیٹر آنے والے تھے جبکہ تھیٹر انتظامیہ ان کے آنے سے آگاہ تھی۔
مقدمے میں کہا گیا ہے کہ اگر پولیس کو اداکار کے آنے کا معلوم ہوتا تو مزید سیکیورٹی تعینات کی جا سکتی تھی، تھیٹر میں پہنچنے والے بڑے ہجوم اور سیکیورٹی کی کمی کی وجہ سے بھگدڑ مچی۔
