اوسلو (نمائندہ جنگ) اوسلو مسلم سینٹر فروست میں الخدمت یورپ کے زیر اہتمام الخدمت فاؤنڈیشن پاکستان کے نائب صدرعبدالشکورکے اعزاز میں عشائیہ کا اہتمام کیا گیا۔تقریب میں اوسلو کی مساجد اور ویلفیئر تنظیموں کے عہدے داران نے بھرپور شرکت کی۔ تقریب کاآغاز تلاوت قران پاک سے ڈاکٹر حامد فاروق نے کیا جبکہ نعت رسول اللہ صلی اللہ علیہ والہ وسلم حافظ اسلم حق نے پڑھی۔ ڈاکٹر حامد فاروق نے الخدمت یورپ کے حوالے سے مفصل تعارف بھی کرایا اور اس موقع پر غزہ میں امدادی کاموں کے حوالے سے ڈاکو منٹری فلم بھی دکھائی گئی۔ تقریب سے مسلم سینٹر فروست کے صدرراجہ مجید الخدمت فاؤنڈیشن پاکستان کے نائب صدرعبدالشکور، مولانا محبوب الرحمٰن، جماعت اہل سنت ناروے مسجد کے امام سید نعمت علی شاہ اور دیگر نے خطاب کیا۔مہمان گرامی عبدالشکور نے تمام حاضرین کا شکریہ ادا کیا اورالخدمت کے بارے میں بتایا کہ فاؤنڈیشن پاکستان میں کس طرح عوامی فلاح و بہبود کی سرگرمیاںکر رہی ہے یورپ میں کیا کیا معاملات ہیں اور انہوں نے ناروے کی ٹیم اور اوسلو میں جو الخدمت کیساتھ برسوں سے کام کر رہے ہیں ان کا شکریہ ادا کیا۔ انہوں نے بتایا کہ تقریباً 67000سے زیادہ ویلنٹیئر ہیں جو الخدمت کیساتھ منسلک ہیں اورتقریباً 30ہزار سے زیادہ یتیم بچے ہیں جن کو الخدمت سپورٹ کر رہی ہے۔ الخدمت نے گزشتہ سال ہزاروں کی تعداد میں فوڈ پیکیج دیے اس کے علاوہ 22 سے زیادہ اغوش سینٹر ہیں بہت سارے ہاسپٹلز کام کر رہے ہیں۔ الخدمت اکیڈمک اسکالرشپ کے ذریعے تقریبا ایک ہزار سے زیادہ بچوں کو اسکالرشپ دیا گیا ہے۔ الخدمت واٹر پمپس کا کام بھی کر رہی ہے ایمبولنسز اور تقریبا 60 سے زیادہ الخدمت کے سکولز ہیں۔ انہوں نے گجرات میں یتیم بچوں کیلئے سنٹر بنانے کی خواہش کا اظہار بھی کیا جس کو حاضرین نے بہت پسند کیا۔ سید نعمت علی شاہ نے بھی الخدمت کے کام کو سراہا اورکہا کہ جب کبھی بھی آپ کو ہماری ضرورت پڑے تو ہم حاضر ہیں اپنی کوشش اور اپنی بساط کے مطابق ہم ضرور الخدمت کی مدد کریں گے آپ جو کام کر رہے ہیں اس کو ہم بڑی قدر کی نگاہ سے دیکھتے ہیں۔ تقریب کا اہتمام دعائیہ کلمات کیساتھ ہوا۔ تقریب میں الخدمت یورپ کے سی ای او ڈاکٹر حامد علی فاروق صدر عبدالوہاب مجید بورڈ ممبر چوہدری رفاقت علی ناہید اسلم مسلم سینٹر فروست کے صدرراجہ مجید محمد صادق سید رضوان چوہدری اسماعیل سرور گجر شاہد تنویر حافظ اسلم حق فواد جمیل محمد ناصر گوندل، قاری نور علی سیالوی اور دیگر نے شرکت کی۔
فرمان الہی
نماز کے اوقات
