فرمان الہی
نماز کے اوقات
ضلع کرم میں پشاور پاراچنار مرکزی شاہراہ پر کل سے قافلہ دوبارہ چلانے کا سلسلہ شروع کرنے کا فیصلہ کر لیا گیا۔
ضلعی انتظامیہ کے مطابق سڑکوں پر رکاوٹ کسی صورت برداشت نہیں کی جائے گی اور بے امنی کے مرتکب افراد کے خلاف کارروائی کی جائے گی۔
واضح رہے کہ خیبر پختون خوا کے ضلع کوہاٹ میں کرم کی صورتِ حال پر 3 ہفتے سے جاری گرینڈ جرگہ کامیاب مذاکرات کے بعد ختم ہو گیا جبکہ فریقین نے معاہدے پر دستخط بھی کر دیے ہیں۔
خیبر پختون خوا حکومت کے مشیر اطلاعات اور حکومت کی جرگہ کمیٹی کے سربراہ بیرسٹر سیف نے کرم امن معاہدے پر دستخط کی تصدیق کرتے ہوئے کہا تھا کہ اس سے ضلع کرم میں امن اور خوش حالی کا نیا سفر شروع ہو گا۔
معاہدے میں اس بات پر اتفاق کیا گیا ہے کہ گھروں میں بغیر لائسنس کے اسلحہ نہیں رکھا جائے گا، دونوں فریقین بنکرز اور مورچے ختم کریں گے جبکہ نقصانات کا ازالہ حکومت کرے گی۔
