فرمان الہی
نماز کے اوقات
پاکستان تحریک انصاف (پی ٹی آئی) کے سینیٹر شبلی فراز نے کہا ہے کہ حکومت 3 تا 4 ماہ کی مہمان ہے، ان سے اصلاحات نہیں ہوں گی۔
اسلام آباد میں بیرسٹر گوہر ، عمر ایوب اور سلمان اکرم راجا کے ہمراہ پریس کانفرنس میں شبلی فراز نے کہا کہ تحریک انصاف کسی سے رعایت یا بھیک نہیں مانگ رہی۔
انہوں نے کہا کہ صرف دباؤ سے آزاد عدلیہ میں فیئر ٹرائل چاہتے ہیں، تحریک انصاف نے ہمیشہ قانون کی حکمرانی کی بات کی ہے، کوئی بھی ملک آزاد عدلیہ کے بغیر ترقی نہیں کرسکتا۔
شبلی فراز نے مزید کہا کہ عدالت نے کہا کہ بانی پی ٹی آئی پر توشہ خانہ کا کیس بنتا ہی نہیں، القادر ٹرسٹ کیس کا فیصلہ فوری آنا چاہیے، اس معاملے میں سزا فلاحی کام پر دی جائے گی۔
اُن کا کہنا تھا کہ توشہ خانہ جھوٹ پر مبنی ایک سیاسی کیس تھا، 9 مئی کو جب بانی کو اٹھایا القادر کیس وہی تھا، بانی پی ٹی آئی نے غریب لوگوں کے لیے کام کیا، اس وقت ملک کو بالکل مفلوج کرکے رکھ دیا گیا ہے۔
پی ٹی آئی سینیٹر نے یہ بھی کہا کہ ہم ریلیف نہیں مانگ رہے عدالتوں میں طریقے کار کے مطابق کیسز آگے بڑھنے دیں، احسن اقبال نے دس سال کا پروگرام بھی دیا تھا سب دھوکا ہے۔
