• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خاتون کا اغوا بلوچ روایات کے منافی اقدام‘ بالاچ ڈومکی

میرا شہر
کوئٹہ
08 فروری ، 2025
کوئٹہ(پ ر)بلوچستان کے قبائلی رہنماء میر بالاچ خان ڈومکی نے خضدار سے خاتون کے اغوا کے واقعہ کی مذمت کرتے ہوئے اسے بلوچستان کی روایات، قبائلی اقدار اور معاشرتی اصولوں کے منافی قرار دیتے ہوئے کہا کہ بلوچ معاشرہ عزت و ناموس کی حفاظت کے لئے ہمیشہ سے مثالی رہا ہے، ایسے واقعات ناقابل قبول ہیں۔ بلوچ اکابرین نے ہمیشہ اپنی سرزمین، روایات اور عزت و وقار کے لئے قربانیاں دی ہیں۔ نواب اکبر خان بگٹی، نواب نوروز خان اور دیگر عظیم رہنماؤں نے اپنی جانوں کا نذرانہ دے کر ثابت کیا کہ بلوچ قوم نے کبھی اپنے اصولوں پر سمجھوتہ نہیں کیا ۔انہوں نے حکومت سے مطالبہ کیا کہ واقعہ میں ملوث عناصر کو فوری طور پر گرفتار کر کے سخت سزا دی جائے۔
کوئٹہ سے مزید