فرمان الہی
نماز کے اوقات
انٹرنیشنل کرکٹ کونسل نے پاکستان کے اسٹار بیٹر بابر اعظم اور فاسٹ بولر شاہین شاہ آفریدی کو بڑا انعام دے دیا۔
آئی سی سی نے چیمپئنز ٹرافی 2025ء سے قبل بابر اعظم اور شاہین شاہ آفریدی کو 2024ء کی ٹی ٹوئنٹی ٹیم آف دی ایئر اور ون ڈے ٹیم آف دی ایئر کی اعزازی کیپ سے نوازا ہے۔
اعزازی کیپ ملنے پر دونوں کرکٹرز نے خوشی کا اظہار کرتے ہوئے انٹرنیشنل کرکٹ کونسل کا شکریہ ادا کیا اور کیپ پہن کر شوٹ بھی کروایا۔
شاہین شاہ آفریدی نے کہا کہ میرے پاس آئی سی سی کی کافی کیپس جمع ہو چکی ہیں اور اب ایک اور بھی آ گئی ہے، یہ کیپ میرے لیے بہت اہم ہے کیونکہ جو سیریز آسٹریلیا اور جنوبی افریقا میں ہم نے جیتی ہیں وہ بالکل آسان نہیں تھیں۔
گزشتہ ماہ انٹرنیشنل کرکٹ کونسل نے سال 2024ء کے لیے تمام فارمیٹ کی ٹیموں کا اعلان کیا تھا جس میں گزشتہ سال بہترین کارکردگی دکھانے والے دنیائے کرکٹ کے کرکٹرز کو شامل کیا گیا تھا۔
