فرمان الہی
نماز کے اوقات
بھارت کی ریاست اتر پردیش میں ایک باپ بیٹی کے لیے حیوان بن گیا۔
بھارتی میڈیا کے مطابق اتر پردیش میں پڑوسی کے گھر جانے پر باپ نے 5 سالہ بیٹی کو بے دردی سے قتل کر کے اس کی لاش کے ٹکڑے کر دیے۔
پولیس کے مطابق موہت نامی ملزم نے اپنے جرم سے متعلق چونکا دینے والے انکشافات کیے ہیں۔
ملزم موہت کا کہنا ہے کہ بیٹی تانی ہمارے پڑوسیوں سے ملنے گئی تھی جن کے ساتھ میرا جھگڑا تھا۔
پولیس کے مطابق 25 فروری کو بچی کے گھر کے قریب سے لاپتہ ہونے کی اطلاع موصول ہوئی تھی جس کے بعد مقدمہ درج کر کے اس کی تلاش کے لیے 4 ٹیمیں تشکیل دی گئی تھیں۔
پولیس کو تلاش کے دوران بچی کی لاش کا ایک ٹکڑا ملا تھا اور اگلے دن اس کے دیگر حصے بھی ملے جس کے بعد یہ واضح ہو گیا تھا کہ بچی کو قتل کیا جا چکا ہے۔
تفتیش کے دوران بچی کا باپ اپنا موبائل فون اہلیہ کو دے کر اچانک غائب ہو گیا تھا، بعد ازاں باپ کے سامنے آنے پر تفتیش کی گئی تو اس نے قتل کا اعتراف کر لیا۔
بھارتی میڈیا کے مطابق ملزم نے پولیس کو بتایا کہ پہلے پڑوسیوں سے اچھے تعلقات تھے جو بعد میں خراب ہو گئے، واردات کے دن بیٹی کو رامو کے گھر سے آتے ہوئے دیکھا تو بچی کو موٹر سائیکل پر بٹھا کر ایک سنسان جگہ لے گیا جہاں اسی کے کپڑوں سے اس کا گلا دبا کر قتل کر دیا اور پھر لاش کو کھیت میں پھینک دیا۔
