فرمان الہی
نماز کے اوقات
بالی ووڈ کے معروف اداکار عامر خان کی گرل فرینڈ گوری سپراٹ نے انکشاف کیا ہے کہ عامر خان کے خاندان نے ان کو کھلے دل سے قبول کیا۔
عامر خان نے 13 مارچ 2025ء کو اپنی سالگرہ سے پہلے میڈیا سے ملاقات کے دوران اپنی گرل فرینڈ گوری سپراٹ کے ساتھ تعلق کی تصدیق کی تھی۔
عامر خان نے بتایا کہ میں گوری سپراٹ کو اپنے خاندان سے ملوا چکا ہوں اور میرے گھر والوں نے ان کو کھلے دل سے قبول کیا۔
جب گوری سپراٹ سے سوال کیا گیا کہ عامر خان کے خاندان سے ملاقات کیسی رہی؟ تو انہوں نے کہا کہ مجھے ان کے خاندان میں بہت عزت اور محبت ملی، سب نے مجھے نہایت گرمجوشی سے خوش آمدید کہا، جس سے مجھے بے حد خوشی ہوئی۔
جب عامر خان سے شادی کے بارے میں سوال کیا گیا تو انہوں نے مسکراتے ہوئے کہا کہ مجھے نہیں معلوم کہ 60 سال کی عمر میں شادی کرنا مناسب لگے گا یا نہیں، میرے بچے بہت خوش ہیں اور میں خود کو خوش قسمت سمجھتا ہوں کہ سابقہ بیویوں کے ساتھ بھی میرے تعلقات اچھے ہیں۔
خیال رہے کہ عامر خان جلد ہی ستارے زمین پر نامی فلم میں نظر آئیں گے، جو 2007 کی سپرہٹ فلم تارے زمین پر کا سیکوئل ہے۔
