فرمان الہی
نماز کے اوقات
انسداد دہشت گردی عدالت راولپنڈی نے بانی پاکستان تحریک انصاف (پی ٹی آئی) عمران خان کو کتابوں کی عدم فراہمی اور بچوں سے بات نہ کروانے کے کیس میں اڈیالہ جیل حکام سے رپورٹ طلب کرلی۔
بانی پی ٹی آئی کی درخواستوں پر سماعت اے ٹی سی کے جج امجد علی شاہ نے کی، جبکہ ان کے وکیل محمد فیصل ملک عدالت میں پیش ہوئے۔
پبلک پراسیکیوٹر ظہیر شاہ نے بانی پی ٹی آئی کی درخواستوں پر اعتراض اٹھا دیا، عدالت نے اڈیالہ جیل حکام سے رپورٹ طلب کرکے سماعت کل تک ملتوی کردی۔
پراسیکیوٹر نے کہا کہ بانی پی ٹی آئی جی ایچ کیو کیس میں ایک سال سے ضمانت کے بعد گرفتاری پر ہیں، بانی پی ٹی آئی یہ درخواستیں کسی اور مقدمے میں دے سکتے ہیں، ملزم جس مقدمے میں عدالتی تحویل میں ہو اسی عدالت سے رجوع کر سکتا ہے۔
وکیل فیصل ملک نے کہا کہ پراسیکیوشن کسی بھی قیدی کی جیل سہولتوں سے متعلق اعتراض نہیں اٹھا سکتے، کسی بھی قیدی کو اس کے بنیادی حق سے محروم نہیں کیا جا سکتا۔
بانی پی ٹی آئی کی درخواستوں پر فریقین کے دلائل مکمل ہونے کے بعد عدالت نے سماعت کل تک ملتوی کردی۔
