• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مائیک ہیسن پاکستان کرکٹ ٹیم کے ہیڈ کوچ کے مضبوط امیدوار

آج کا اخبار
اسپورٹس
22 اپریل ، 2025
کراچی (عبدالماجدبھٹی) عاقب جاوید کی جگہ نیوزی لینڈ کرکٹ ٹیم کےسابق ہیڈ کوچ مائیک ہیسن پاکستان کے ہیڈ کوچ بننے کیلئے مضبوط امیدوار ہیں۔ وہ اس وقت اسلام آباد یونائیٹڈ کے بھی ہیڈ کوچ ہیں۔ پی سی بی نے ہیسن سے رابطہ کیا ہے۔ گذشتہ سال بھی پی سی بی نے ان سے رابطہ کیا تھا لیکن انہوں نے پہلے سے طے شدہ مصروفیات کی وجہ سے معذرت کر لی تھی۔ ذرائع کا کہنا ہے کہ مائیک ہیسن کے پی سی بی حکام سے مذاکرات چل رہے ہیں۔ سابق ہیڈ کوچ ثقلین مشتاق بھی اس دوڑ میں تھے لیکن مائیک ہیسن بظاہر مضبوط امیدوار دکھائی دے رہے ہیں۔ ذرائع کے مطابق پی سی بی ایک بار پھر غیر ملکی ہیڈ کوچ کی طرف جارہا ہے۔ ہیڈ کوچ کیلئے لیول تھری کی اہلیت درکار ہے، 4 مئی تک درخواستیں طلب کی گئی ہیں۔ ہیڈ کوچ کیلئے پی سی بی کے پاس محدود چوائس ہیں اور غیر ملکی کوچ کی طرف پی سی بی کا رحجان زیادہ ہے۔ جولائی 2012 میں، انہیں جان رائٹ کی جگہ نیوزی لینڈ کا ہیڈ کوچ مقرر کیا گیا تھا۔ وہ آئی پی ایل میں بھی کوچنگ کرچکے ہیں۔
اسپورٹس سے مزید