فرمان الہی
نماز کے اوقات
کراچی (اسٹاف رپورٹر) شاہ لطیف ٹاؤن تھانے کی حدود ملیر ندی بند کے قریب پلاٹ میں تیل یا گیس کی مبینہ چوری کے لیے کنویں کی کھدائی کے دوران ایک شخص دم گھٹنے سے ہلاک ہو گیا ، ملزمان مدد گار15 پولیس کو اطلاع دیکر فرار ہوگئے ، متعلقہ پولیس موقع پر پہنچ گئی اور فوری طور پر ریسکیو اہلکاروں کو طلب کرلیا، پولیس کو کنویں کے باہر سے گیس سلینڈر اور لائن میں کنکشن لگانے کے لئے آلات ملے ہیں جبکہ علاقے میں گیس کی بو بھی پھیلی ہوئی ہے،ریسکیو اہلکاروں نے کنوئیں میں اندر جانے کی کوشش کی تاہم انہیں مشکلات کا سامنا کرنا پڑا ، واقعے کی اطلاع ملنے پر پارکو اور سوئی گیس کے اہلکار بھی موقع پر پہنچ گئے ، پولیس نے بتایاکہ پارکو حکام کے مطابق کنوئیں کی جگہ سے انکی لائن دور ہےپلاٹ کے باہر سے 2گاڑیاں اور موٹرسائیکل بھی ملی ہے پولیس حکام نے بتایا کہ کنوئیں میں اترنے اور چڑھنے کے لئے سیڑھیاں بھی بنائی گئی تھیں، کنوئیں میں موجود لاش کو اس کے ساتھیوں نے نکالنے کی کوشش بھی کی لیکن ناکامی پر ساتھیوں نے 15 پر کال کی اور فرار ہوگئے، انھون نے بتایا کہ سوئی گیس حکام کی جانب سے گیس کی سپلائی بند کردی گئی ہے لیکن بو زیادہ ہونے کی وجہ سے کنویں میں موجود لاش کو نہیں نکالا جا سکا ۔
