فرمان الہی
نماز کے اوقات
یومِ آزادی صحافت کے موقع پر نیشنل کمیشن فار ہیومن رائٹس (این سی ایچ آر) نے میڈیا میٹرز فار ڈیموکریسی کے تعاون سے صحافیوں کے لیے ایک تربیتی فیلوشپ کا اعلان کر دیا۔
یہ فیلوشپ یونیسکو کے انٹرنیشنل پروگرام فار ڈیویلپمنٹ آف کمیونیکیشن کے تحت معاونت حاصل کر رہی ہے۔
اس پروگرام کا مقصد صحافیوں کی پیشہ ورانہ صلاحیت کو بڑھانا ہے تاکہ ڈیجیٹل حقوق اور انٹرنیٹ گورننس سے متعلق موضوعات کو صنفی حساسیت، انسانی حقوق کے تناظر میں مؤثر انداز میں رپورٹنگ، اعلیٰ معیار کی تحقیقی صحافت کی تیاری اور اشاعت کو فروغ دیا جاسکے۔
چیئرپرسن این سی ایچ آر رابعہ جویری آغا کا کہنا ہے کہ پاکستان میں ڈیجیٹل رسائی بڑھنے کے باوجود خواتین کی ڈیجیٹل دنیا میں مکمل شمولیت میں ایک نمایاں صنفی خلا موجود ہے۔ صحافی اس خلا کو اُجاگر کرنے، عوامی بحث کو مؤثر بنانے اور اداروں کو جوابدہ بنانے میں اہم کردار ادا کرتے ہیں۔
میڈیا میٹرز فار ڈیموکریسی کی شریک بانی صدف خان نے کہا کہ ڈیجیٹل دنیا میں صنفی شمولیت کے فروغ کےلیے باخبر اور باریک بین صحافت ناگزیر ہے، ضروری ہے کہ صحافی ان موضوعات کو انسانی حقوق اور صنفی حساسیت کے ساتھ رپورٹ کرنے کی صلاحیت رکھیں۔ یہ فیلوشپ اس صلاحیت کو بڑھانے کا ایک اہم موقع ہے۔
فیلوشپ کے لیے درخواستیں 15 مئی 2025ء تک موصول کی جائیں گی۔ دلچسپی رکھنے والے صحافی آن لائن درخواست فارم بھر کر اپلائی کر سکتے ہیں۔
