فرمان الہی
نماز کے اوقات
پاکستان کی مسلح افواج نے بھارت کے مسلسل جارحانہ اقدامات کا منہ توڑ جواب آپریشن بنیان مرصوص سے دے دیا ہے، آپریشن کے دوران بھارت میں 10 سے زائد اہداف کو نشانہ بنایا گیا۔
سیکیورٹی ذرائع کا کہنا ہے کہ آدم پور، ادھم پور، بھٹنڈا، سورت گڑھ، مامون، اکھنور، جموں، سرسہ اور برنالہ کی ایئر بیسز اور فیلڈز کو تباہ کردیا گیا جبکہ بھارتی اڑی فیلڈ سپلائی ڈپو، سرسہ اور ہلوارا ایئر فیلڈ بھی تباہ کر دی گئی۔
پاک فوج نے بھارت کا اڑی سپلائی ڈپو تباہ کر دیا
آپریشن بُنْيَانٌ مَّرْصُوْص کے تحت لائن آف کنٹرول پر بھارت کی جانب سے پاکستان کے خلاف جارحیت پر پاک فوج کا منہ توڑ جواب جاری ہے
سیکیورٹی ذرائع نے بتایا ہے کہ پاک فوج نے دشمن کی مزید متعدد پوسٹوں کو تباہ کر دیا ہے۔
سیکیورٹی ذرائع کا کہنا ہے کہ دشمن کی پانڈو سیکٹر میں چھاؤ گلی پوسٹ، لیپہ سیکٹر میں لعل جان پوسٹ تباہ کر دی گئی۔
پاک فوج نے بھارت کے قلعہ ڈھیر، گرین پلیٹو پوسٹ، جنگل ون پوسٹ بالمقابل پیر کانٹھی سیکٹر، نیو کمپلیکس بالمقابل دھودی سیکٹر کو بھی تباہ کر دیا۔
سیکیورٹی ذرائع نے بتایا ہے کہ پاک فوج نے دشمن کی اسلام آباد پوسٹ اور سوکا جبرا پوسٹ تباہ کر دی جبکہ بھارت کا اڑی سپلائی ڈپو تباہ کر دیا۔
سیکیورٹی ذرائع کے مطابق اڑی سپلائی ڈپو کی تباہی افواجِ پاکستان کی بڑی کامیابی ہے۔
جے ایف 17 تھنڈر ہائپر سونک میزائلوں نے آدم پور میں S-400 سسٹم تباہ کردیا
سیکیورٹی ذرائع کے مطابق پاکستان کے جے ایف 17 تھنڈر نے ہائپر سونک میزائلوں سے آدم پور میں بھارت کا دفاعی نظام S-400 سسٹم تباہ کردیا۔
ایس 400 ایئر ڈیفنس سسٹم کی مالیت لگ بھگ ڈیڑھ بلین ڈالر ہے۔
راجواڑی، دہشت گردی کروانے والا بھارتی ملٹری انٹیلی جنس کا تربیتی مرکز تباہ
پاکستان میں دہشت گردی کروانے والا راجوڑی میں بھارتی ملٹری انٹیلی جنس کا تربیتی مرکز بھی تباہ کردیا گیا۔
راجوڑی میں افواج پاکستان کی جوابی کارروائی میں ایڈیشنل ڈی سی راج کمار تھاپا مارا گیا۔
بھارتی حکومت کی پشت پناہی میں ایڈیشنل ڈی سی راج کمار دہشت گردوں کا سہولت کار تھا۔
راج کمار کشمیری مسلمانوں کےلیے دہشت کی علامت تھا، اعلیٰ فوجی بریفنگز میں شامل ہوتا تھا۔
پاکستان کی جانب سے تباہ کیے گئے بھارتی ملٹری اہداف
سیکیورٹی ذرائع کے مطابق پاکستان نے بیاس کے علاقے میں براہموس اسٹوریج سائٹ تباہ کر دی، اس کے علاوہ پٹھان کوٹ میں ایئر فیلڈ کو بھی تباہ کردیا گیا ہے۔
پاکستان نے سرسہ ایئر فیلڈ کو تباہ کردیا، سرسہ ایئر فیلڈ کی تباہی کی کنفرمیشن انڈین میڈیا نے خود کردی۔
بھارتی میڈیا نے پٹھان کوٹ، پونچھ اور جموں ایئر بیسز پر پاکستانی حملوں کا اعتراف کر لیا۔
سیکیورٹی ذرائع کا کہنا ہے کہ بھارت کے سپلائی ڈپو ’اڑی‘ کو بھی تباہ کردیا گیا، اڑی سپلائی ڈپو کی تباہی افواج پاکستان کی بڑی کامیابی ہے۔
بھارتی کے آدم پور ایئربیس کو میزائلوں سے تباہ کردیا گیا ہے۔ آدم پور ایئرفیلڈ سے امرتسر میں سکھوں پر میزائل داغے گئے تھے۔
سیکیورٹی ذرائع کا کہنا ہے کہ پاکستان نے بیاس کے علاقے میں براہموس کی اسٹوریج کو تباہ کردیا، یہاں سے پاکستان پر میزائل داغے گئے تھے۔
اسی طرح پاکستان نے پٹھان کوٹ میں ایئرفیلڈ ادھم پور کو بھی تباہ کردیا گیا ہے۔ علاوہ ازیں بھارت کی سورت گڑھ ایئر فیلڈ بھی تباہ کردی گئی۔
سیکیورٹی ذرائع کے مطابق بھارت کے ادھم پور ایئربیس کو 3 میزائلوں سے نشانہ بنایا گیا، بھارت پر فتح ون میزائل فائر کیا گیا ہے۔
براہموس اسٹوریج سائٹ نگر وٹا کو بھی تباہ کردیا گیا، اس کے علاوہ بھارت کی سپلائی ’اڑی‘ کو بھی تباہ کردیا گیا۔
ذرائع کے مطابق بھارتی بریگیڈ ہیڈ کوارٹر کے جی ٹاپ کو تباہ کردیا گیا جبکہ بھارت کی بھٹنڈہ ایئر فیلڈ کو بھی تباہ کردیا گیا۔
مقبوضہ کشمیر کے علاقے نوشہرہ میں بھارتی ملٹری انٹیلی جنس کا تربیتی مرکز تباہ کردیا گیا، تباہ کیا گیا بھارتی ملٹری انٹیلی جنس کا تربیتی مرکز پاکستان میں دہشت گردی کروا رہا تھا۔
ایل او سی پر ربتانوالی پوسٹ، ڈنہ پوسٹ، خواجہ بھیک کمپلیکس اور رنگ کنٹوئر بالمقابل سنکھ، کافر مہری، شاہپر 3 اور غدر ٹاپ کو مکمل تباہ کر دیا گیا، افواج پاکستان کی توپوں نے بھارتی توپوں کو خاموش کروا دیا۔
سیکیورٹی ذرائع کے مطابق دشمن کی پانڈو سیکٹر میں چھاؤ گلی پوسٹ، لیپہ سیکٹر میں لعل جان پوسٹ سلام آباد پوسٹ اور سوکاجبرا پوسٹ کو تباہ کر دیا گیا ہے۔
سائبر حملے میں بی جے پی کی آفیشل ویب سائٹ سمیت بیشتر ہیک
سیکیورٹی ذرائع کے مطابق پاک فضائیہ نے انڈین ملٹری سیٹیلائٹ کو جام کردیا جبکہ پاکستانی سائبر حملے میں بیشتر بھارتی ویب سائٹس کو ہیک کرلیا گیا۔ بی جے پی کی آفیشل ویب سائٹ کو بھی ہیک کرلیا گیا۔
ذرائع کا کہنا ہے کہ مہاراشٹر اسٹیٹ کے تمام کمرشل اور ڈومیسٹک میٹرز کا ریکارڈ اُڑا دیا گیا جبکہ 2500 سے زائد سرویلنس کیمرے بھی ہیک کرلیے گئے۔
’ان بیسز کو ہدف بنایا جہاں سے حملے کیے گئے‘
سیکیورٹی ذرائع کے مطابق ان تمام بیسز سے جہاں سے پاکستان کے عوام، مساجد و دیگر مقامات پر حملے کیے گئے تھے، ان کو ٹارگٹ کیا گیا۔
’سائبر اٹیک، 70 فیصد بجلی کے گرڈ ناکارہ، بھارت میں اندھیرا چھا گیا‘
اطلاعات کے مطابق سائبر اٹیک کے ذریعے بھارت کے 70 فیڈر بجلی کو گرڈ کو ناکارہ کردیا گیا ہے، سائبر حملے کے بعد ہندوستان میں اندھیرا چھا گیا۔
’بھارت کے دارالحکومت دلی میں پاکستان کی پروازیں‘
بھارت کے دارالحکومت دلی میں پاکستان ڈرونز کی پروازیں جاری ہیں، جس کے باعث وہاں خوف و ہراس پھیل گیا اور افراتفری پھیل گئی۔
’پاکستانی فتح میزائل کی لانچ، شہید پاکستانی بچوں کے نام کردی گئی‘
پاکستانی فتح میزائل کی لانچ، شہید پاکستانی بچوں کے نام کردی گئی، پاکستان ان معصوم بچوں کی شہادت کو نہ بھولا ہے نہ کبھی بھولے گا، یہ پاکستانی معصوم بچے بھارت کی پاکستان میں جارحیت میں شہید کیے گئے تھے۔
آئی ایس پی آر کا کہنا ہے کہ فتح میزائل کی رینج 120 کلومیٹر ہے، میزائل میں جدید نیوی گیشن سسٹم اور اعلیٰ درستی شامل ہے۔
بھارتی فوج نے پاکستانی حملوں اور اس سے تباہی کا اعتراف کرلیا
پاکستان کی جوابی کارروائی پر بھارتی فوج کا بڑا بیان سامنے آگیا، بھارتی فوج نے پاکستان کے حملے اور اس سے تباہی کا اعتراف کرلیا۔
بھارتی فوج کے مطابق پاکستان نے 26 مقامات پر فضائی دراندازیاں کرنے کی کوشش کی۔
بھارتی فوج کا کہنا ہے کہ پاکستان نے پنجاب میں فضائی اڈے کو نشانہ بنانے کے لیے تیز رفتار میزائل کا استعمال کیا۔
اعترافی بیان میں بھارتی فوج نے کہا کہ بھارتی فوجی اڈوں پر ساز و سامان اور عملے کو نقصان پہنچا ہے۔
دوسری جانب بھارتی محکمۂ خارجہ اور محکمۂ دفاع کا کہنا ہے کہ پاکستان نے ہمارے بیسز پر حملہ کیا، پاکستانی حملوں سے ہماری بیسز کو نقصان پہنچا ہے۔
بھارتی محکمۂ خارجہ اور محکمۂ دفاع نے مشترکاء بریفنگ میں بتایا کہ پاکستان نے پنجاب میں فضائی اڈوں کو نشانہ بنانے کے لیے تیز رفتار میزائل کا استعمال کیا۔
انہوں نے کہا کہ پاکستان نے اُدھم پور، بھوج، بھٹنڈا اور پٹھان کوٹ میں بھارتی ایئرفورس بیسز کو نشانہ بنایا۔
پاکستانی حملوں میں 5 اموات کی تصدیق
بھارتی حکام نے پاکستانی حملوں میں کم سے کم 5 اموات کی تصدیق کردی۔
بھارتی میڈیا کے مطابق پاکستانی حملوں سے ہلاک افراد میں مقبوضہ جموں و کشمیر حکومت کے افسر بھی شامل ہیں۔
