فرمان الہی
نماز کے اوقات
خواجہ آصف نے گرمی میں تیراکی کے جوہر دکھادیے، نہر میں چھلانگ لگانے کی ویڈیو سوشل میڈیا پر وائرل ہوگئی۔
پاکستان مسلم لیگ (ن) کے سینئر رہنما اور وفاقی وزیر دفاع خواجہ محمد آصف کی ایک ویڈیو سوشل میڈیا پر تیزی سے وائرل ہورہی ہے، جس میں وہ شدید گرمی کے دوران موترہ نہر میں چھلانگ لگاتے ہوئے نظر آ رہے ہیں۔
ویڈیو میں خواجہ آصف کو ایک پل کے کنارے موجود ریلنگ پر چڑھتے اور پھر نہایت اعتماد اور مہارت کے ساتھ نہر میں غوطہ لگاتے ہوئے دیکھا جا سکتا ہے، خواجہ آصف کو نہر میں نہاتے دیکھ کر شہریوں کی بڑی تعداد جمع ہو گئی۔
ان کی یہ ویڈیو دیکھ کر سوشل میڈیا صارفین حیران بھی ہوئے اور محظوظ بھی، خواجہ آصف کی یہ عوامی انداز میں گرمی سے نجات حاصل کرنے کی کوشش کو بعض حلقوں نے سراہا تو کچھ نے اسے تنقیدی انداز میں لیا۔
ویڈیو پر تبصرہ کرتے ہوئے ایک صارف نے لکھا کہ خواجہ صاحب سیاست سے زیادہ اب تیراکی کے مقابلے جیتنے کی تیاری میں لگے ہوئے ہیں۔
ایک اور صارف نے مزاحیہ انداز میں کہا کہ دفاعی وزیر کی یہ چھلانگ شاید سیاسی درجہ حرارت کو بھی ٹھنڈا کر دے۔
