فرمان الہی
نماز کے اوقات
بھارتی ریاست اتر پردیش کے شہر غازی آباد میں آوارہ کتوں کو کھانا کھلانے پر ایک شخص نے خاتون پر بہیمانہ تشدد کیا، ملزم نے خاتون پر تھپڑوں کی بارش کردی۔
بھارتی میڈیا کے مطابق غازی آباد میں خاتون پر تشدد کا واقعہ جمعہ کی رات کو پیش آیا، جہاں ایک اپارٹمنٹ میں آوارہ کتوں کو کھانا کھلانے پر خاتون کو بری طرح پیٹا گیا، متاثرہ خاتون کی شناخت یاشیکا شکلا کے نام سے ہوئی۔
یاشیکا شکلا سوسائٹی کے مقررہ مقام پر کتوں کو کھانا کھلا رہی تھیں کہ وہاں رہنے والا کمل کھنّا نامی شخص آیا اور ان پر بار بار تھپڑ برسانے لگا۔
واقعے کی ویڈیو سوشل میڈیا پر وائرل ہوئی، جس میں دیکھا جا سکتا ہے کہ ملزم خاتون کے پیچھے چلتے ہوئے انہیں تھپڑ مار رہا ہے جبکہ وہ خود کو بچانے کی کوشش کر رہی ہیں۔
ایک موقع پر ملزم نے خاتون کے دونوں ہاتھ پکڑ لیے تاکہ وہ اپنا دفاع نہ کر سکے۔ حیران کن طور پر کئی لوگ موقع پر موجود تھے مگر کسی نے مداخلت نہیں کی۔
پولیس نے ویڈیو کا نوٹس لیتے ہوئے ایف آئی آر درج کی اور کمل کھنّا کو گرفتار کر لیا ہے، پولیس کے مطابق معاملے کی تفصیلی تفتیش جاری ہے۔
