فرمان الہی
نماز کے اوقات
پی ٹی آئی رہنما اور سابق وزیرِ اعلیٰ پنجاب چوہدری پرویز الہٰی کا کہنا ہے کہ ہماری ساڑھے 5 ماہ کی حکومت کے فنڈز نہ روکے جاتے تو گجرات نہ ڈوبتا۔
گجرات میں تقریب سے خطاب میں چوہدری پرویز الہٰی نے کہا کہ مخالفین مارے مارے پھر رہے ہیں کہ گجرات کے لیے پیکیج لے کر آئے ہیں۔
چوہدری پرویز الہٰی نے کہا کہ ہمارا 1122 کا منصوبہ ہی کافی ہے، ن لیگ ہمارے منصوبے جیسا کوئی ایک منصوبہ لا کر دکھائے۔
سابق وزیرِ اعلیٰ پنجاب کا یہ بھی کہنا ہے کہ ن لیگ کے کام میں برکت نہیں، بانیٔ پی ٹی آئی لوگوں کے دلوں میں بستے ہیں۔
اس موقع پر سلمان اکرم راجہ نے کہا کہ اڈیالہ جیل سے بانی کا پیغام لےکر حاضر ہوا ہوں، ہمارے عوام دوست منصوبوں کو عوام دشمن حکومت نے چلنے نہیں دیا۔
ان کا کہنا ہے کہ بانی کا حکم ہے کہ مشکل گھڑی میں ورکرز عوام کے ساتھ کھڑے ہوں، پی ٹی آئی چوہدری پرویز الہٰی کے ساتھ کھڑی ہے۔
