فرمان الہی
نماز کے اوقات
خیبر پختونخوا میں سیکیورٹی فورسز نے 13 سے 14 ستمبر تک 2 مختلف آپریشنز میں بھارتی پراکسی فتنہ الخوارج کے 31 دہشت گرد ہلاک کر دیے۔
پاک فوج کے شعبۂ تعلقاتِ عامہ (آئی ایس پی آر) کے مطابق سیکیورٹی فورسز نے لکی مروت میں انٹیلی جنس بنیاد پر آپریشن کیا۔ سیکیورٹی فورسز نے خوارج کے ٹھکانے کو مؤثر انداز میں نشانہ بنایا۔ شدید فائرنگ کے تبادلے کے بعد 14 بھارتی پراکسی یافتہ خوارج کو ہلاک کیا گیا۔
آئی ایس پی آر کے مطابق سیکیورٹی فورسز نے انٹیلی جنس بنیاد پر دوسری کارروائی بنوں میں کی۔ سیکیورٹی فورسز نے فائرنگ کے تبادلے میں مزید 17 خوارج کو جہنم واصل کر دیا۔
پاک فوج کے شعبۂ تعلقاتِ عامہ کے مطابق کسی بھی بھارتی سرپرست خوارج کے خاتمے کے لیے علاقے میں کلیئرنس آپریشن جاری ہے۔
آئی ایس پی آر کی جانب سے کہا گیا کہ ملک سے بھارتی سرپرستی میں ہونے والی دہشت گردی کی لعنت کو مکمل طور پرختم کیا جائے گا۔
واضح رہے کہ خیبر پختونخوا میں سیکیورٹی فورسز نے 10 سے 13 ستمبر تک 2 مختلف آپریشنز میں بھی بھارتی پراکسی فتنہ الخوارج کے 35 دہشت گرد ہلاک کیا تھا۔
