• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نفرت تفریق ڈالنے والوں کی اسلام میں کوئی گنجائش نہیں ہے،علامہ اشفاق وحیدی

میرا شہر
اسلام آباد
30 دسمبر ، 2025
راولپنڈی(اپنے رپورٹرسے) ہر مذھب انسان سازی کرتا ہے اسلام ایک ایسا مذھب ہے جو امن سلامتی اور دلوں کو جوڑنے کا پیغام دیتا ہے۔نفرت تفریق ڈالنے والوں کی اسلام میں کوئی گنجائش نہیں ہے۔ان خیالات کا اظہار مقررین نےآسٹریلیاپاکستان انٹرفیتھ بورڈ کے زیر اہتمام بین المذاھب ھم آہنگی کے موضوع پر راولپنڈی میں تقریب سے خطاب کرتے ہوئے کیا۔جس کی صدارت شیعہ علماء کونسل پاکستان اور auspak انٹر فیتھ بورڈ کے صدر علامہ اشفاق وحیدی نے کی جبکہ میزبانی سائیں محمد اعجاز ملک ممبر امن کمیٹی راولپنڈی نےکی۔ تقریب سے امن کمیٹی کے چیئرمین مولانا اقبال رضوی، انجمن تاجران کے صدر شیخ وحیدی ،منہاج القرآن دبئی کے صدر راجہ عادل آل ریسٹورنٹ ایسوسی ایشن کے صدر اور ممبر امن کمیٹی سائیں محمد اعجاز ملک و دیگرنے بھی خطاب کیا ہے ۔علامہ اشفاق وحیدی نے بین المذاھب ھم آہنگی و مسلک کو استحکام پاکستان کے لیے ضروری قراردیتے ہوئے کہا کہ ہر مذھب انسان سازی کرتا ہے اسلام ایک ایسا مذھب ہے جو امن سلامتی اور دلوں کو جوڑنے کا پیغام دیتا ہے۔
اسلام آباد سے مزید