فرمان الہی
نماز کے اوقات
وزیراعظم شہباز شریف کا چھوٹے اور درمیانے درجے کے کاروبار کے فروغ کے لیے آسان شرائط پر قرضے دینے کے اقدامات تیز کرنے کی ہدایت کی۔
سمیڈا کے بزنس پلان سے متعلق اجلاس میں کہا گیا کہ چھوٹے اور درمیانے درجے کے کاروبار ملکی معیشت کےلیے ریڑھ کی ہڈی کی حیثیت رکھتے ہیں۔
اجلاس میں وزیر اطلاعات و نشریات عطا تارڑ، معاون خصوصی ہارون اختر ، گورنر اسٹیٹ بینک جمیل احمد، چاروں صوبوں، آزاد جموں و کشمیر اور گلگت بلتستان کے چیف سیکریٹریز اور سمیڈا کے منتخب بورڈ ارکان نے شرکت کی۔
اس موقع پر چھوٹے اور درمیانے درجے کے کاروبار کے فروغ کےلیے آئندہ 3 سال کا روڈ میپ پیش کیا گیا، وزیراعظم نے قابل عمل اور موثر پلان تشکیل دینے پر معاون خصوصی ہارون اختر اور سمیڈا کے نو منتخب بورڈ آف ڈائریکٹرز کی پذیرائی کی۔
شہباز شریف نے کہا کہ چھوٹے اور درمیانے درجے کے کاروبار ملکی معیشت کے لیے ریڑھ کی ہڈی کی حیثیت رکھتے ہیں، اس کاروبار کی ترقی سے ملکی برآمدات میں اضافے کی استعداد موجود ہے۔
اجلاس کےشرکاء کو ایس ایم ایز کو ملکی برآمدات میں شامل کرنے کےلیے حکمت عملی اور بزنس پلان میں شامل دیگر اقدامات پر بریفنگ دی گئی۔
بریفنگ میں بتایا گیا کہ ایس ایم ایز کی استعداد بڑھانے کےلیے 6 شہروں میں متعدد ورکشاپوں کا انعقاد کیا جاچکا ہے، چھوٹے، درمیانے کاروبار کو عالمی سطح پر مسابقت کےلیے تیار کرنے کےلیے تربیتی پروگرامز پر بھی کام جاری ہے۔
بریفنگ میں خواتین کو ایس ایم ای سیکٹر میں شرکت اور بھرپور کردار ادا کرنے کے حوالے سے اقدامات پر بھی بتایا گیا۔
