• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان کے مختلف اضلاع میں بارش سے تباہی، 7 افراد جاں بحق، 100 مکانات تباہ، شاہراہیں متاثر

آج کا اخبار
اہم خبریں
03 اپریل ، 2026
کوئٹہ /اندرون بلوچستان( اسٹاف رپورٹر/ نامہ نگاران)بلوچستان کے مختلف اضلاع میں بارشوں اور سیلاب سے 7افراد جاں بحق اور 4افراد زخمی ہوئے،100مکانات تباہ ، شاہراہیں متاثر، ہلاکتیں ہرنائی ،کوہلو،تربت،جعفرآباد، لورالائی اور کچھی میں ہوئیں، بالا ناڑی میں پشتہ ٹوٹنے سے 50 مویشی ہلاک، شدید بارشوں کا الرٹ جاری،پی ڈی ایم اے کی جانب سے بلوچستان میںحالیہ بارش اور سیلاب کے باعث ہونے والے نقصانات سے متعلق رپورٹ جاری کردی گئی ہے رپورٹ کے مطابق بارش اور سیلاب سے صوبے مختلف اضلاع ہرنائی ،کوہلو،تربت،جعفرآباد، لورالائی اور کچھی میں 7 افراد جاں بحق اور متعدد افراد زخمی ہوگئے اس کے علاوہ بالا ناڑی میں پشتہ ٹوٹنے سے 100 مکانات تباہ اور 50 مویشی ہلاک ہوئے جب کہ بالاناڑی میں 400 ایکڑ زرعی زمین بھی زیرِآب آگئی۔ڈی جی پی ڈی ایم اے نے بتایا کہ ہرنائی اور قلعہ عبداللہ میں تقریباً 100 مکانات کو نقصان پہنچا ہے جب کہ جھل مگسی میں سیلابی ریلے کے باعث گنداواہ نوتال روڈ بند ہوگئی۔رپورٹ میں بتایا گیا ہے کہ گزشتہ روز آسمانی بجلی گرنے سے لورالائی اور کچھی میں 2 افراد جاں بحق ہوئے جبکہ لورالائی میں دیوار گرنے سے ایک شخص جاں بحق ہوا، کوہلو میں چھت گرنے سے ایک شخص جاں بحق ہوا جبکہ جعفر آباد میں ایک بچہ ندی میں بہہ کر جاں بحق ہوا، کیچ میں دو افراد پانی میں بہہ گئے۔
اہم خبریں سے مزید