فرمان الہی
نماز کے اوقات
امریکی میڈیا نے دعویٰ کیا ہے کہ امریکا ایران کے ساتھ بیس ارب ڈالر کے بدلے یورینیم معاہدے پر غور کر رہا ہے۔
امریکی ویب سائٹ کے مطابق امریکا ایران مذاکرات کا دوسرا دور اسلام آباد میں اتوار کو متوقع ہے، امریکا ایران کے درمیان جنگ کے خاتمے کے لیے 3 صفحات پر مشتمل معاہدے پر مذاکرات جاری ہیں، تجویز ہے کہ امریکا ایران کے بیس ارب ڈالر کے منجمد اثاثے جاری کرے گا۔
اثاثے جاری کرنے کے بدلے میں ایران افزودہ یورینیم کا ذخیرہ ترک کرے گا، ابتدائی مرحلے میں امریکا خوراک اور ادویات کی خریداری کے لیے چھ ارب ڈالر جاری کرنے کو تیار تھا، تاہم ایران نے ستائیس ارب ڈالر جاری کرنے کا مطالبہ کیا جو امریکا نے مسترد کردیا۔
امریکا کا مطالبہ تھا کہ ایران اپنا تمام جوہری مواد امریکا منتقل کرے جو ایران نے مسترد کردیا۔
ایران نے ملک کے اندر ہی یورینیم کم افزودہ کرنے پر آمادگی ظاہر کر دی، ایران کو طبی مقاصد کے لیے نیوکلیئر ریسرچ ری ایکٹر رکھنے کی اجازت ہوگی۔
