• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
07 جون ، 2026

جنتی ……

جنتیوں کی کئی طرح پہچان کی جاسکتی ہے۔

ان میں سے ایک یہ ہے کہ ان کی قبر ٹھنڈی رہتی ہے۔

میں نے تمہارے والد کی تدفین کے وقت دیکھا،

ان کی قبر نہ صرف ایک سرسبز قطعے میں کارنر پر ہے،

بلکہ اس پر ایک گھنے درخت کا سایہ بھی ہے۔

’’ڈوڈو، تمہارے والد کنفرم جنتی ہیں‘‘

میں نے ڈوڈو کے گلے لگ کر ایک جذباتی تقریر کی۔

مٹھوس ڈوڈو نے خشک لہجے میں کہا،

’’ہاں، تمہاری باتیں ٹھیک ہیں۔

لیکن وی آئی پی قبرستان میں وہ پریمیم قبر

میں نے چار گنا قیمت پر بلیک میں خریدی تھی۔‘‘

تازہ ترین