فرمان الہی
نماز کے اوقات
ٹورنٹو، کینیڈا، کراچی (شکیل یامین کانگا ، نیوز ڈیسک)فیران ٹوریز کے شاندار گول کی بدولت اسپین دفاعی چیمپئن ارجنٹائن کو 1-0 شکست دیکر فیفا ورلڈ کپ کاچیمپئن بن گیا۔میچ کا فیصلہ کن گول اضافی وقت کے دوسرے ہاف میں ہوا۔ اسپینش کھلاڑیوں نے پورے کھیل میں ارجنٹائن کے خلاف آئوٹ کلاس کارکردگی کا مظاہرہ کیا ۔اسپین کے فیران ٹوریزنے خوبصورت گول کرکے اپنی ٹیم کو فتح دلوا دی، اسپین نے اس میچ پر مکمل غلبہ حاصل کیا، اور 65فیصد پوزیشن (گیند پر قبضے) اور 20 شاٹس کے ساتھ میچ کا اختتام کیا۔ اس کے مقابلے میں، ارجنٹائن نے صرف دو شاٹس لگائے۔ ارجنٹائن کے گول کیپر ایمیلیانو مارٹنیز نے 11 یقینی گول بچائے، جو کہ ورلڈ کپ فائنل کا ایک ریکارڈ ہے۔ میچ میں ارجنٹائن کے گول کیپر مارٹینز نے شاندار کارکردگی کا مظاہرہ کرتے ہوئے کئی یقینی گول بچائے ، میچ میں رف کھیل کا مظاہرہ کرنے پرکھیل کے اختتامی لمحات میں اجنٹائن فرنانڈیز کو ریڈ کارڈ دکھا کر گرائونڈ سے آئوٹ کردیا گیا۔میچ مقررہ وقت تک بغیر کسی گول کے برابر رہا جس پر میچ کا فیصلہ کرنے کیلئے اضافی وقت دیا گیا۔ عالمی شہرت یافتہ فرانسیسی کپتان کلیان امباپے نے ورلڈ کپ 2026ءمیں سب سے زیادہ گول کرکے گولڈ بوٹ کا اعزاز بھی حاصل کرلیا۔ نیویارک کے نیوجرسی فٹ بال اسٹیڈیم میں کھیلا گیا میچ ابتداء سے سنسنی خیز رہا۔ کھیل کا آغاز تیز رفتاری سے ہوا اور اسپین نے پانچویں منٹ میں ارجنٹائن کے گول پر حملہ کیا اور لامین یامال کی شاندارٹرائی کی لیکن ارجنٹائن کے گول کیپر نے یقینی گول روک لیا۔میچ کے مقررہ وقت میں اسپین کے کھلاڑیوں نے کئی خوبصورت موو بنائیں اور درجن بھر سے زائد ارجنٹائن کے گول پر حملے کئے لیکن ارجنٹائنی گول کی کی شاندار کارکردگی کی وجہ سے گول نہ ہوسکا۔ میچ کا مقررہ وقت بغیر کسی گول کے برابر رہا۔ اضافی وقت کا پہلا ہاف بھی بغیر کسی گول کے برابر رہا دوسرے ہاف کے پہلے منٹ میں اسپین کے فیران ٹوریزنے خوبصورت گول کرکے اپنی ٹیم کو 1-0کی فتح دلوا دی۔ مینز ورلڈ کپ فٹ بال کے ٹائٹل کے ساتھ اسپین ویمنز ٹائٹل حاصل کرنے والا دنیا کا پہلا ملک بن گیا ہے۔اسپین کی ٹیم کسی ایک ورلڈ کپ میں7 میچوں میں مخالف ٹیم کو کوئی گول نہ کرنے دینے (کلین شیٹ رکھنے) والی پہلی ٹیم بھی بن گئی ہےاور انہوں نے اس ورلڈ کپ کے 8 میچوں میں صرف 1 گول کھایا ہے۔ 1966ء کے ورلڈ کپ دونوں ٹیمیں اس سے پہلے صرف ایک بار مدمقابل آئی اورگروپ اسٹیج کے دوران ارجنٹائن نے 1-2 سے کامیابی حاصل کی تھی۔ اسپین نے گزشتہ چھ میچوں میں سے چار جیتے ہیں، جبکہ ارجنٹائن کو آخری فتح 2010 میں ملی تھی۔
