فرمان الہی
نماز کے اوقات
ذکرِ محبوبِ خدا، صلِّ علیٰ
بعد از حمد و ثناء، صلِّ علیٰ
مرتبہ اُن کا سِوا، صلِّ علیٰ
جن سے خُود رب نے کہا، صلِّ علیٰ
لفظ اعجازِ نُما صلِّ علیٰ
دل کے ہرغم کی دوا، صلِّ علیٰ
نقش ہو دل پر سدا، صلِّ علیٰ
اے مِری فکرِ رسا، صلِّ علیٰ
شہرِ طیبہ میں، محمّد آگئے
دشت، گلشن بن گیا، صلِّ علیٰ
جگنو چمکے دشتِ احساسات میں
نام جب اُن کا لیا، صلِّ علیٰ
روشنی دیتا رہا، مثلِ چراغ
ماہِ کامل بن گیا، صلِّ علیٰ
دی گواہی، دشمنانِ دین نے
پیکرِ صدق و صفا، صلِّ علیٰ
آسمانوں پر گئے اور آگئے
وقت ٹھہرا ہی رہا، صلِّ علیٰ
جُھک گئے تھے، مہرومہتاب وشفق
اُن کے چہرے کی ضیاء، صلِّ علیٰ
دشمنوں میں ہے گِھرا وہ جاں بکف
سر ہے سجدے میں رکھا، صلِّ علیٰ
رحمتِ رب کی ہوئی ہیں بارشیں
کہنے والے نے کہا، صلِّ علیٰ
اب رسالت اور نبوّت، کچھ نہیں
ختم ہے یہ سلسلہ، صلِّ علیٰ
انؔجم عشقِ مصطفیٰ ہی سے چلی
رسمِ تسلیم و رضا، صلِّ علیٰ
