فرمان الہی
نماز کے اوقات
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے 8ویں اسپیل کا الرٹ جاری کردیا ہے۔
ترجمان پی ڈی ایم اے کے مطابق 29 اگست سے 5 ستمبر تک صوبے کے بیشتر اضلاع میں بارشوں کی پیشگوئی ہے، جن میں راولپنڈی، مری، گلیات شامل ہیں۔
ترجمان کے مطابق 8ویں اسپیل میں چکوال، جہلم، تلہ گنگ، اٹک، سیالکوٹ، نارووال، منڈی بہاء الدین، گجرات، گجرانوالہ، حافظ آباد، وزیر آباد، لاہور، قصور، اوکاڑہ میں بارش کا امکان ہے۔
ترجمان پی ڈی ایم اے کے مطابق یکم سے 5 ستمبر کے دوران فیصل آباد، جھنگ، ٹوبہ ٹیک سنگھ، لیہ، بھکر، ساہیوال، پاکپتن، بہاولنگر، بہاولپور اور ڈیرہ غازی میں بھی بارش کا امکان ہے۔
ڈی جی سیف انور جپہ کے مطابق 8ویں اسپیل کے دوران مری، گلیات اور پہاڑی علاقوں میں لینڈ سلائیڈنگ کا خدشہ جبکہ برساتی نالوں میں فلیش فلڈنگ کا خطرہ موجود ہے، ایمرجنسی میں ہیلپ لائن 1129 پر رابطہ کریں۔
