فرمان الہی
نماز کے اوقات
بالی ووڈ اداکار سلمان خان کو لارنس بشنوئی گینگ کی جانب سے دھمکیوں کے پیشِ نظر وائی پلس سیکیورٹی فراہم کی گئی ہے۔
بھارت میں اہم شخصیات کو لاحق خطرات کے جائزے کی بنیاد پر مختلف سطح کی سیکیورٹی فراہم کی جاتی ہے۔
یہ سیکیورٹی کی بنیادی سطح ہے، جس میں عموماً 2 مسلح اہلکار تعینات کیے جاتے ہیں، یہ نسبتاً کم خطرے سے دو چار افراد کو فراہم کی جاتی ہے۔
اس سطح پر عموماً 8 سے 11 اہلکار تعینات ہوتے ہیں، جن میں مسلح پولیس اہلکار اور بعض صورتوں میں کمانڈوز شامل ہوتے ہیں۔
یہ وائی کیٹیگری سے زیادہ سخت حفاظتی انتظام ہے، جس میں مسلح اہلکاروں کے ساتھ کمانڈوز بھی شامل ہوتے ہیں، سلمان خان کو لاحق خطرات کے پیشِ نظر ان کی سیکیورٹی اسی درجے میں اپ گریڈ کی گئی ہے۔
اس سطح پر عموماً 22 اہلکار تعینات کیے جاتے ہیں، جن میں کمانڈوز اور مسلح پولیس اہلکار شامل ہوتے ہیں۔
یہ بھارت میں اعلیٰ سطح کے حفاظتی انتظامات میں شامل ہے، اس میں عموماً 55 اہلکاروں پر مشتمل سیکیورٹی دستہ بنایا جاتا ہے، جس میں کمانڈوز بھی شامل ہوتے ہیں، ضرورت کے مطابق بلٹ پروف گاڑیاں اور دیگر حفاظتی انتظامات بھی کیے جا سکتے ہیں۔
اسپیشل پروٹیکشن گروپ بھارت کا خصوصی حفاظتی ادارہ ہے، جس کی بنیادی ذمے داری وزیرِ اعظم اور سابق وزرائے اعظم کے لیے مقررہ قانونی شرائط کے تحت سیکیورٹی فراہم کرنا ہے۔
بھارت میں سیکیورٹی کی سطح کا تعین متعلقہ شخصیت کو لاحق خطرات کے جائزے کی بنیاد پر کیا جاتا ہے۔
اہلکاروں کی تعداد اور حفاظتی انتظامات خطرے کی نوعیت اور متعلقہ حکام کے فیصلوں کے مطابق مختلف ہو سکتے ہیں۔
