فرمان الہی
نماز کے اوقات
مداح اکثر اس بات کا حساب رکھنے میں مصروف رہتے ہیں کہ ان کے پسندیدہ ستاروں کی فلموں نے باکس آفس پر کتنے کروڑ کما لیے ہیں۔ لیکن باکس آفس کلیکشنز ہی وہ واحد سنگ میل نہیں ہیں جنہیں آج کل سلیبریٹیز انجوائے کر رہی ہیں۔
بہت سے ستاروں کی طرح، سمانتھا روتھ پرابھو نے بھی کاروباری دنیا میں قدم رکھا ہے اور ان کے خوشبوکے برانڈ نے حال ہی میں آمدنی کے لحاظ سے 100 کروڑ روپے کا ہندسہ عبور کر لیا ہے۔
سمانتھا نے مختلف کاروباروں میں سرمایہ کاری کی ہے اور ان کے خوشبو کا برانڈ حال ہی میں 120 کروڑ روپے کی آمدنی سے تجاوز کر گیا، ’’سیکرٹ الکیمسٹ‘‘ نے بھارت کی ابھرتی ہوئی خوشبو مارکیٹ میں اپنی جگہ بنا لی ہے۔
اس سنگ میل کے بارے میں بات کرتے ہوئے سمانتھا نے کہا کہ دو انتہائی مختلف سفروں کو ایسے بامعنی سنگ میل تک پہنچتے دیکھ کر بے حد خوشی محسوس ہوتی ہے۔
سیکرٹ الکیمسٹ سمانتھا کا واحد کاروباری منصوبہ نہیں ہے۔ 2020 میں انہوں نے خواتین کے عصری فیشن اور لائف اسٹائل برانڈ ’’ساکی‘‘ کی بنیاد رکھی۔ وہ ’مائل کلیکٹو‘ سے بھی وابستہ ہیں، جو ایکٹیوویئر اور لائف اسٹائل برانڈ ہے۔ سمانتھا نے سپلیمنٹ برانڈ ’گٹاکا‘ کی بنیاد بھی رکھی ہے۔
اپنے کاروباری منصوبوں کے ساتھ ساتھ سمانتھا نے فلمی محاذ پر بھی کامیابی حاصل کی ہے۔ ان کی حالیہ فلم ’’ما انٹی بنگارام‘‘، جس کی انہوں نے پروڈکشن کی اور مرکزی کردار ادا کیا، نے باکس آفس پر 100 کروڑ روپے کا ہندسہ عبور کیا۔
19 جون 2026 کو ریلیز ہونے والی یہ فلم سب سے زیادہ کمانے والی خواتین کی زیر قیادت تیلگو فلم بن گئی، جس نے’’مہانتی‘‘ (2018) کو پیچھے چھوڑ دیا۔
