فرمان الہی
نماز کے اوقات
سابق وزیراعظم نواز شریف کی صاحبزادی مریم نواز نے کہا ہے کہ جس کو عوام پلس کردیں اسے کوئی مائنس نہیں کرسکتا، تختہ الٹنے والے آمروں کی ملک میں کوئی جگہ نہیں۔
لاہور میں مسلم لیگ (ن) کے سوشل میڈیا کنونشن سے خطاب کرتے ہوئے مریم نواز نے کہا کہ مخالفین ہمارے سوشل میڈیا کارکنوں سے ڈرتے ہیں کیوں کہ یہ جس نظریے کو لے کر چل رہے ہیں وہ نظریہ نوازشریف ہے۔
انہوں نے کہا کہ جمہوریت میں کٹھ پتلیاں اور امپائر کے اشارے پر ناچنےوالے نہیں ہو سکتے۔
مریم نواز نے کہا کہ منتخب وزیراعظم پر حملہ ہر ووٹ دینے والے پر حملہ ہوتا ہے، نوازشریف پر حملے اسلئے ہوتے ہیں کیونکہ وہ بھی ایک نظریے کے ساتھ ہیں۔
ان کا کہنا تھا کہ یہاں کوئی استعمال ہورہا ہے اور کوئی استعمال کررہا ہے، اسی لیے پاناما اور اقامے کا ڈراما رچایا گیا۔
انہوں نے کہا کہ منتخب حکومتوں کے تختے الٹنے والوں کی پاکستان میں کوئی جگہ نہیں ہے، عوامی نمائندوں کو جلاوطن کرنے والا خود جلا وطنی کی زندگی گزار رہا ہے۔
