فرمان الہی
نماز کے اوقات
حکمراں جماعت مسلم لیگ نواز کی رہنما مریم نواز کا کہنا ہے کہ ریاست، جمہوریت اور حکومت کیخلاف ایک نئی سازش تیار ہورہی ہے۔
مریم نواز نے کہا کہ طاہر القادری اور عمران خان کا ایک ساتھ بیٹھنا اس بات کا ثبوت ہے کہ ریاست، جمہوریت اور حکومت کے خلاف ایک نئی سازش تیار ہورہی ہے۔
سماجی رابطوں کی ویب سائٹ ٹوئٹر پر جاری اپنے پیغام میں مریم نواز نے ایک بار پھر عمران خان کو تنقید کا نشانہ بنایا، اور کہا کہ عمران خان کی اس سے بڑی ناکامی کیا ہوگی کہ ان کی پہچان ایک سیاسی اور جمہوری رہنما کے بجائے سازشی اور مہرے کی ہے۔
مریم کا مزید کہنا تھا کہ لوگوں کو سمجھ ہے کہ سازشی مہروں کے پاس کوئی عوامی ایجنڈا نہیں ، ان کو صرف سازش کے تحت انتشار کے لیے اکھٹا کیا جاتا ہے۔
واضح رہےگزشتہ روز عمران خان نے سربراہ طاہر القادری سے ملاقات کی تھی اور کہا تھا کہ سانحہ ماڈل ٹاؤن کے حوالے سے طاہر القادری کا جو بھی فیصلہ ہوگا پی ٹی آئی اس کی حمایت کرے گی۔
