آپ آف لائن ہیں
ساجد انصاری
ساجد انصاری | 20 اپریل ، 2018

پریا پرکاش کی آنکھ پھر بے قابو

پریا پرکاش کی آنکھ پھر بے قابو

آنکھ مار کر راتوں رات اسٹار بننے والی پریا پرکاش ایک بار پھر آنکھوں کا جادو چلا بیٹھی ہیں اور شہ سرخیوں میں جگہ پارہی ہیں۔


من موہنی مسکراہٹ ، آنکھوں اور چہرے کے تاثرات سے ادائیں دکھا کر دل جیت لینے والی سانولی سلونی پریا نے ا س مرتبہ اپنی آنکھوں کا وار کسی فلم میں نہیں بلکہ آئی پی ایل کے موقع پر ایک چاکلیٹ کے ٹی وی اشتہار میں کیا ہے۔

پریا پرکاش کی آنکھ پھر بے قابو

اشتہار میں دکھایا گیا ہے کہ گراؤنڈ پر ایک کھلاڑی گیند مانگنے پریا کے پاس آتا ہےجس کے جواب میں پریا اپنے آنکھ مار نے کے وائرل انداز میں کہتی ہیں کہ ’’میں پھینکی ہوئی چیزیں نہیں اٹھاتی‘‘۔

اشتہار کے آن ایئر ہوتے ہی پریا پرکاش کے فین جاگ گئے جنہوں نے ان کی یہ ویڈیو اور تصاویر سوشل میڈیا پر وائرل کر دیں، ساتھ ہی ان کے مداحوں نے ویڈیو شیئر کرکے انہیں تعریفوں سے بھی نوازا ہے۔

پریا پرکاش کی آنکھ پھر بے قابو

واضح رہے کہ پریا پرکاش کی آنکھوں کے جادو نے انہیں شہرت کی اس بلندی پر اتنی جلدی پہنچا دیا ہے جہاں اس تیزی سے اکثر بالی ووڈ اداکارائیں بھی نہیں پہنچ پاتیں۔

پریا پرکاش کے انسٹا گرام پر پرستاروں کی اتنی تعداد ہے کہ مختلف کمپنیاںان کی شہرت اور مقبولیت کو کیش کرانے کیلئے پرموشنل پوسٹ کیلئے 8لاکھ روپے تک دینے کو تیار ہیں۔

پریا پرکاش کی آنکھ پھر بے قابو

سوشل میڈیا کے بعد پریا پرکاش کو ٹی وی کیلئے اشتہارات کی لائنیں لگ گئی ہیں اور وہ سوچنے پر مجبور ہیں کہ کس اشتہار کو رد کردیں اور کس کے لیے ہامی بھر لیں۔

پریا پرکاش کی آنکھ پھر بے قابو

میڈیا رپورٹس کے مطابق پریا نے سوشل میڈیا پر مقبولیت کے معاملے میں کئی بڑے بالی ووڈ اداکاروں کو ایک جھٹکے میں پیچھے چھوڑ دیا ہے،اپنی آنکھوں کی اداؤں سے پورے ملک کو دیوانہ بنانے والی پریا پرکاش فلموں میں ڈیبیو کرنے سے پہلے ہی اسٹار بن چکی ہیں۔