لندن میں سالانہ میراتھن کا انعقاد کیا گیا ۔
جن میں پرنس ہیری اور ملکہ برطانیہ الزبیتھ سمیت بڑی تعداد میں بچوں اور بڑوں نے شرکت کی۔
سالانہ دوڑ"لندن میراتھن"کے سلسلے کی 38 ویں دوڑ میں مردوں کا مقابلہ کینیا کے ایلیوڈ اور خواتین کی دوڑبھی کینیا ہی کی ویوین نے جیت کو وہاں موجود لوگوں کو داد دینے پر مجبور کر دیا۔
Eliud نے26.2میل کا فاصلہ دو گھنٹے 4منٹ اور 17سیکنڈ میں مکمل کیا جبکہ ان کی ہم وطن خاتون ایتھلیٹ ے یہ فاصلہ دو گھنٹے 18منٹ اور 31سیکنڈ میں طے کر کے دوڑ جیتنے میں کامیاب ہوئیں۔
وہیل چیئر رَنرز میں مردوں کی ریس برطانوی ایتھلیٹ ڈیوڈ اورخواتین میںآسٹریلیا کی میڈیسن ڈی نے جیتی۔
منتظمین کا کہنا تھا کہ اس برس 40,000 سے زیادہ لوگ اس دوڑ میں شامل ہو ئے ہیں جو جنوبی لندن کے سرسبز علاقے"بلیک ہیتھ" سے شروع ہو کر 26.2 میل دور مرکزی لندن کی شاہراہ "دی مال" پر ختم ہوئی جس میں لوگوں کی ریکارڈ تعداد نے حصہ لیا ہے۔
میراتھن میں جہاں کئی ریکارڈ بنے وہیں کچھ خوشگوار واقعات بھی دیکھنے کو ملے جس میں شاہی خاندان کے افراد پرنس ہیری اور ملکہ برطانیہ نے شرکاء کے حوصلے بلند کئے۔
امدادی مقاصد کے تحت ہونیوالی اس سالانہ دوڑ میں شامل ہونے والے کئی شرکاء نے دلچسپ ملبوسات زیب تن کیے ہوئے تھے.
جن میں مختلف کارٹون کریکٹرز سے لیکر جانوروں ،پھل سبزیوں اور دلچسپ و عجیب انداز میں تیار کیے گئے ملبوسات میراتھن کے دوران لوگوں کی توجہ کا مرکز رہے۔