جنوبی ایشیا کے پہلے باقاعدہ پاپ سنگر احمد رشدی 84ویں سالگرہ

برصغیر میں پاپ گلوکاری کی بنیاد رکھنے والے احمد رشدی کا84 واں یوم پیدائش آج منایا جارہا ہے ۔

پاکستان کی فلمی موسیقی پر بتیس سال تک راج کرنے والے معروف گلوکار احمد رشدی کے فنی سفر کا آغاز 1951ء میں بھارتی فلم ’عبرت‘ کے گیت سے ہوا جس کے بعد انہوں نے پانچ سو سے زائد فلموں کے لئے پانچ ہزار گیت گائے۔

انہیں جنوبی ایشیا کے پہلے باقاعدہ پاپ سنگر ہونے کا اعزاز بھی حاصل ہے۔ احمد رشدی کی گائیکی کے انداز کو خطے کے دوسرے ممالک میں بھی کاپی کیا جاتا رہا۔

احمد رشدی نے اپنے کیرئیر کے دوران پانچ مرتبہ نگار ایوارڈ سمیت درجنوں ایوارڈ حاصل کیے جبکہ انہیں وفات کے بعد ستارہ امتیاز سے بھی نوازا گیا۔

دہائیوں تک فلمی موسیقی پر راج کرنیوالے احمد رشدی تو انیس سو تراسی میں جہان فانی سے کوچ کر گئے تھے مگر ان کی آواز آج بھی لوگوں کے کانوں میں رس گھولتی ہے۔