• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشکلاوتی میوزیم میں عبدالغنی خان کے حوالے سےتقریب

میرا شہر
پشاور
14 مئی ، 2018
پشاور( احتشام طورو ٗوقائع نگار ) پاک افغا ن ادباء وشعراء کی مشترکہ ادبی تنظیم "خوشحال فکری بھیر" کے زیراہتمام پشکلاوتی میوزیم غنی ڈھیری چارسدہ میں عظیم فلسفی ،شاعر ،مصور و دانشور خان عبدالغنی خان کے حوالے سےایک شام کا انعقاد کیا گیا،مہمان خصوصی افغانستان کےڈپٹی سپیکر زردشت شمس اورسابق چیف سیکرٹری خیبرپختونخوا اعظم خان تھے۔ تقریب میں نوجوان مصور پیر حامد خویشگی کےغنی خان کی شاعری پر بنائے گئے فن پاروں کی نمائش بھی کی گئی ، تقریب سے خطاب کرتے ہوئے تنظیم کے صدر نورالامین یوسفزئی ، زردشت شمس ٗمحمد اعظم خان ٗ ریجنل فورم فار پیس اینڈ ڈویلپمنٹ کے صدر جہانزیب خان ٗ پی ٹی وی کے سابق جی ایم شوکت علی، فلک شیر خان اور ارشد خان نے کہا کہ غنی خان ایک ہمہ جہت شخصیت کے مالک تھے انہوں نے کہا کہ نوجوان نسل غنی خان کے افکار سے بہت کچھ حاصل کرسکتے ہیں، اس موقع پر فیاض مشال نے بھی غنی خان کو منظوم عقیدت پیش کیا، نمائش کے حوالے سے’’ خوشحال فکری بھیر‘‘ کے جائنٹ سیکرٹری اکبرہوتی نے’’ جنگ‘‘ سے گفتگو کرتے ہوئے کہا کہ پیر حامد خویشگی نے اپنی پینٹنگ میں غنی خان کی شاعری کی تشریح کرنے کی کوشش کی ہے اورکافی حد تک کامیاب بھی رہے، انہوں نے مزید کہا کہ آئندہ پاکستان کے دیگر شہروں کے ساتھ ساتھ افغانستان میں پیر حامدکے فن پاروں کی نمائش کی جائے گی، تقریب کے آخر میں محفل موسیقی بھی ہوئی جس میں نوجوان گلوکار سنتوش خان نے غنی خان کے کلام کو انتہائی خوبصورتی سے گا کر حاضرین سے خوب داد وصول کی۔
تازہ ترین