آپ آف لائن ہیں
جنگ ای پیپر
جمعہ14؍رجب المرجب 1440 ھ22؍ مارچ 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
’مہاجر بچوں کو سرحد پر ہی مارڈالو‘

سوشل میڈیا پر مہاجر بچوں کو سرحد پر قتل کرنے کے الفاظ استعمال کئے جانےپرامریکی خاتون کو نوکری سے معطل کرکے رخصت پر بھیج دیا گیا ہے۔

اوریگن ڈپارٹمنٹ آف ٹراسپورٹیشن (او ڈوٹ) کی ملازمہ ’لوری میک ایلن‘ نامی خاتون نے سماجی رابطے کی ویب سائٹ فیس بک پر لکھا تھا کہ ’میرا ذاتی خیال ہے کہ انہیں ان تمام کو سرحد پر ہی گولی مار دینی چاہئے اور اس عمل کو اچھا کہنا چاہئے، اس سے ہم محنتی امریکیوں کے ٹیکسوں میں کروڑوں ڈالرز بچیں گے‘۔

میک ایلن کے غیر انسانی اظہار خیال پر فوری ردعمل سامنے آیا اور ہزاروں افراد نے خاتون کو شدید تنقید کا نشانہ بنایا ، سیکڑوں ناراض افراد نے خاتون کے خلاف اس کے ادارے سے رابطہ کرکے اسے نوکری سے نکالنے کا مطالبہ کیا۔

میک ایلن تنقید برداشت نہ کرسکی اور اپنے تمام سماجی رابطے کے اکاؤنٹس بند کردئیے۔

بعد ازاں اوڈوٹ نے اعلان کیا کہ ایجنسی اس معاملے کی تحقیقات کر رہی ہے اور خاتون ملازمہ کو مزید نوٹس تک کیلئے معطل کردیا گیا ہے۔

Chatاپنی رائے سے آگاہ کریں