اسلام آباد کے طالبعلموں کو منشیات بیچنے والا ملزم گرفتار

اسلام آباد کے تھانے سیکریٹریٹ کی پولیس نے منشیات فروشوں کے خلاف کارروائی کرتے ہوئے قائداعظم یونیورسٹی کے باہر سے منشیات فروش بلال علی کو گرفتار کر لیا۔

پولیس کے مطابق ملزم سےایک کلو چرس برآمد ہوئی ہے جس کے خلاف مقدمہ درج کر لیا گیا ہے، ملزم بلال علی کو پہلے سے گرفتار ہوئے نائیجیرین باشندوں کے انکشاف پر گرفتار کیا گیا ہے۔

پولیس کا یہ بھی کہنا تھا کہ ملزم تعلیمی اداروں میں منشیات فروشی میں ملوث تھا اور موٹر سائیکل میں چرس چھپا کر لے جا رہا تھا۔