برف باری نے چھتر پلین کی خوبصورتی کو چار چاند لگا دیئے

خیبر پختون خوا کے ضلع مانسہرہ کی ہر وادی ہی قدرت کا حسین شاہکار ہے لیکن برف باری نے وادی کونش کے علاقے چھتر پلین کی خوبصورتی کو چار چاند لگادئیے ہیں۔

مانسہرہ میں بارشوں کے بعد سورج نے برف پوش پہاڑوں اور وادیوں کواپنی کرنوں سےمنور کیا تو برف کی دودھیا روشنی آنکھوں کو خیرہ کرنے لگی۔

ان دلکش نظاروں کو اپنی نظروں میں سمونے کے لیے ملک بھر اور بیرون ملک سے سیاح کھنچے چلے آ رہے ہیں۔

یہاں آنے والے سیاح قدرتی نظاروں کے اپنی اصل و دلکش شکل میں موجود ہونے پر پاکستان کو سوئٹزر لینڈ سے زیادہ خوبصورت قرار دیتے ہیں۔

ضلع مانسہرہ اور بٹگرام کے سنگم پر واقع چھتر پلین اور شارکول ٹاپ پہنچ کر بچے خوشی سے پھولے نہیں سماتے۔

کوئی بچہ سنو مین کے ساتھ تصاویربنواتا ہےتو کوئی اپنے کزنوں کو برف کے گولے مار مار کر انجوائے کرتاہے۔