ٹنڈومحمدخان (نامہ نگار) آل سندھ پرائمری ٹیچرز ایسوسی ایشن کا اجلاس مرکزی صدر حاجی شفیع محمد سٹھیو کی رہائشگاہ ٹنڈومحمدخان میں منعقد کیا گیا جس میں سندھ بھر سے عہدیداروں نے بڑی تعداد میں شرکت کی اس موقع پر متفقہ طور پر فیصلہ کیا گیا کہ سال 2019 میں نئے انتخابات کرائے جائیں گے جس کے لئے تنظیم کی الیکشن کمیٹی جون کے وسط تک الیکشن کے عمل کو مکمل کروائے گی جس کی تیاریاں شروع کرنے کی ہدایت کی گئی ۔جبکہ سندھ بھر میں مختلف مرحلوں میں انتخابات عمل میں لائے جائیں گے اس موقع پر مرکزی صدر حاجی شفیع محمد سٹھیو، نصراللہ مزاری، ہدایت اللہ شاھ، محمد بخش جتوئی اور دیگرنے خطاب کرتے ہوئے کہا کہ اساتذہ نے اپنے حقوق حاصل کرنے کے لئے ہمیشہ پرامن جدوجہد کی ہے اور چارٹر آف ڈمانڈ کے مطابق جو بھی اساتذہ کے جائز حقوق تھے وہ سندھ حکومت سے منوائے گئے اساتذہ نے تعلیم کو ہمیشہ فروغ دینے کے لئے مثبت کردار ادا کیا ہے ۔
فرمان الہی
نماز کے اوقات
