آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو کا فواد چودھری کو جواب

پاکستان پیپلز پارٹی کے چیئرمین بلاول بھٹو زرداری نے وفاقی وزیر سائنس و ٹیکنالوجی فواد چودھری کے بیان پر جواب دیتے ہوئے کہا ہے کہ تمہارا موجودہ لیڈر جب دہشت گردوں کو بھائی کہتا تھا تو میں اپنی فوج پرحملے کی مذمت کررہا ہوتا تھا اور آج بھی کرتا ہوں۔ اسی کو تسلسل کہتے ہیں جس کی آپ کو سمجھ نہیں آتی۔

سماجی رابطے کی ویب سائٹ ٹوئٹر پر پیغام میں بلاول بھٹو نے کہا ہے کہمحسن داوڑ اور علی وزیر ایم این ایز ہیں دہشت گرد نہیں، اسپیکرقومی اسمبلی کو قواعد پر عملدرآمد کرنے کا کہہ رہا ہوں۔

واضح رہے کہ فواد چودھری نے شمالی وزیرستان میں پا ک فوج کی گاڑی پر دہشت گرد حملے پر بلاول بھٹو کی جانب سے مذمتی بیان پر ردعمل میں کہا تھا کہ بلاول کی جانب سے نامعلوم حملہ آور کی مذمت دوغلی سیاست ہے۔

فواد چودھری کا کہنا تھا کہ بلاول بھٹو نے چیک پوسٹ پرحملے پرمحسن داوڑ کی حمایت کی تھی، وہ آج شہدا کے خون پر سیاست نہ کریں ۔

قومی خبریں سے مزید