بجلی چوری کے مقدمے میں نامزد سابق ایس ڈی او کی ضمانت منظور

حیدرآباد ( بیورو رپورٹ) اینٹی کرپشن سینٹرل کورٹ حیدرآباد کے جج سریش کمار نے ایف آئی اے کرائم سرکل حیدرآباد تھانے میں درج بجلی چوری کے مقدمے میں نامزد سابق ایس ڈی او سب ڈویژن طاہر حبیب کی وکلا کے دلائل کے بعد 50 ہزار روپے کی عبوری ضمانت منظور کرلی ۔ واضح رہے کہ لطیف آباد نمبر 12 میں بجلی چوری کا مقدمہ نامزد ملزمان کے خلاف ایف آئی اے حیدرآباد نے درج کیا تھا۔ گذشتہ دنوں تفتیش کے بعد ایف آئی اے نے سابق ایس ڈی او طاہر حبیب سمیت دو افسران کے نام حتمی چالان میں شامل کئے تھے ۔