• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایڈورڈ کالج پشاور کی ملکیت کے فیصلے پر برطانوی مسیحی کمیونٹی کو تحفظات

آج کا اخبار
اہم خبریں
18 اکتوبر ، 2019
لندن (سعید نیازی/مرتضیٰ علی شاہ) ایڈورڈ کالج پشاور کو قومیائی گئی ملکیت قرار دینے کے قیصلے پر برطانیہ کی کرسچن کمیونٹی نے تحفظات کا اظہار کیا ہے، کرسچن کمیونٹی کے ایک نمائندہ وفد نے گزشتہ روز پاکستانی ہائی کمشنر نفیس زکریا سے ملاقات کی اور انہیں اپنے مطالبات سے آگاہ کیا، ملاقات کے بعد وفد کے ارکان نے جنگ سے گفتگو کرتے ہوئے کہا کہ یہ فیصلہ جانبدارانہ ہے جس کے خلاف کمیونٹی میں تشویش پائی جاتی ہے، چوہدری قمر شمس ایڈووکیٹ نے کہا کہ ہم اس فیصلے کے خلاف سپریم کورٹ سے رجوع کریں گے پاکستان کے وزیر خارجہ شاہ محمود قریشی جب برطانیہ آئے تھے تو انہوں نے باقاعدہ بیان دیا تھا کہ چرچ کی پراپرٹی چرچ کے پاس ہی رہے گی، یہ کالج برٹش راج کے وقت سے آپ کا ہے اور آئندہ بھی آپ کا ہی رہے گا، لیکن ہم سمجھتے ہیں کہ ہماری کمر میں خنجر گھونپا گیا ہے اور ہم اس فیصلے کے خلاف سپریم کورٹ سے رجوع کریں گے، اور توقع ہے کہ ہمیں ہماری جائیداد واپس ملے گی، جان باسکو نے کہا کہ خیبر پختونخوا کی حکومت کے اقدامات سے ہم مطمئن نہیں ہیں، ہم امید رکھتے ہیں کہ ہمیں انصاف ملے گا، ڈاکٹر پیٹر جے ڈیوڈ نے کہا کہ ایڈورڈ کالج 120سال سے مسلمانوں کی خدمت کر رہا ہے کیونکہ اس میں 95فیصد طلبہ مسلمان ہیں اور ہم ایک پیسہ بھی حکومت سے نہیں لیتے لیکن کوشش یہ کی جارہی ہے کہ کالج کا تمام کنٹرول گورنر صاحب کے پاس چلا جائے۔
تازہ ترین