مولانا استعفے سے وظیفے پر آگئے، فیاض چوہان

پاکستان تحریکِ انصاف کے صوبائی وزیر فیاض الحسن چوہان نے کہا ہے کہ جمعیت علمائے اسلام ف کے سربراہ مولانا فضل الرحمٰن حکومت توڑ کر نئے انتخابات کے مطالبات سے پیچھے ہٹ گئے ہیں، وہ استعفے سے وظیفے پر آگئے ہیں۔

جیو نیوز کے پروگرام ’جیو پاکستان‘ میں گفتگو کرتے ہوئے فیاض الحسن چوہان نے بتایا کہ مولانا فضل الرحمٰن فیس سیونگ چاہتے ہیں، مذاکرات سو فیصد کامیاب ہوں گے۔

مولانا کا کوئی ایجنڈا نہیں، فیاض چوہان

صوبائی وزیر فیاض الحسن چوہان کا کہنا ہے کہ نون لیگ...

فیاض الحسن چوہان نے کہا کہ میرے پاس مولانا فضل الرحمٰن سے متعلق بہت حقائق موجود ہیں، اگر یہ حقائق سامنے آئے تو عوام اور میڈیا اپنے کانوں کو ہاتھ لگائیں گے۔

صوبائی وزیر کا کہنا تھا کہ جب جنگ ہوتی ہے تو محاذ تو گرم ہوتا ہے، لیکن بیک ڈور مذاکرات بھی جاری رہتے ہیں۔

انہوں نے کہا کہ جب کنٹینر پر کھڑے ہو کر وزیرِ اعظم عمران خان اور پاکستان کے خلاف بات ہوگی تو جواب دینا تو بنتا ہے۔

فیاض الحسن چوہان  نے کہا کہ مولانا فضل الرحمٰن اینٹ ماریں گے تو انہیں پتھر سے جواب ملے گا۔