فرد جرم کے بعد ملزم کی غیر حاضری میں اس کا ٹرائل ہوسکتا ہے ، اعتزاز

آج کا اخبار

اہم خبریں

19 دسمبر ، 2019

کراچی (ٹی وی رپورٹ) اعتزاز احسن نے کہا کہ اگر ملزم اُس وقت تک حاضر رہتا ہے جب اس پر فرد جرم عائد ہوجاتی ہے، چارج فریم ہوجاتا ہے، اگر اس اسٹیج تک شامل ہے کارروائی میں اس کے بعد اگر غائب ہوتا ہے تو وہ مفرور ہے ، اس کی غیر حاضری میں اس کا ٹرائل ہوسکتا ہے، سپریم کورٹ آرمی چیف کو چھ مہینے دے سکتی ہے تو تین سال بھی دے سکتی ہے یہ تو کوئی بات نہیں ہے کہ جو اختیار میں نہیں ہے وہ کیا، ماہر قانون دان نے نجی ٹی وی کو دیے گئے انٹرویو میں کہا کہ آصف سعید کھوسہ نے بڑی احتیاط سے اپنے وقار کو قائم رکھ کر اس عہدے کے فرائض انجام دیئے، ایک دو فیصلوں سے اختلاف ہوسکتا ہے ، میں سمجھتا ہوں کہ جس طرح جج صاحبان نے یہ تصور کر لیا کہ سپریم کورٹ حکم دے سکتی ہے کہ پارلیمنٹ یا گورنمنٹ کو یہ قانون بناؤ فلاں نہ بناؤ سپریم کورٹ ایم این اے کو یہ حکم نہیں دے سکتی کہ تم ووٹ دائیں دو یا بائیں دو۔ پی آئی سی واقعہ کی تکلیف ہے شرمندگی بھی ہے یہ ارادہ کر کے آئے تھے کچھ لوگوں کی طرف سے اس بات کو بیلنس کیا گیا اس کا افسوس ہوامیری نگاہ میں اس کارروائی کا کوئی جواز نہیں تھا ۔ میں واضح طور پر کہتا ہوں کہ اعانت کرنے والے جوڈیشری ہیں جب آپ جج بنے ہیں آپ نے حلف لیا ہے آپ آئین کو پروٹیکٹ کریں گے لیکن جب آپ ضیا الحق یا مشرف کا حلف لیتے ہیں تو یہ الفاظ نکال دیئے جاتے ہیں اس کے بغیر اب یہ ذمہ داری نہیں رہتی اس میں آپ دلچسپ بات دیکھیں سپریم کورٹ نے کیا کہا بیگم نصرت بھٹو کے کیس میں یحییٰ بختیار نے یہ بحث کی کہ آپ جو جج صاحبان ہیں آپ اب جج نہیں ہیں کیوں کہ آپ نے پہلے حلف لیا تھا to protect uphold and defend the constitution of Pakistan اب جس نے آئین کو منسوخ کر دیا ہے جنرل ضیا الحق نے آکر یا معطل کر دیا ہے اس کا آپ نے حلف لے لیا ہے اس کے نام سے یا تو وہ جج رہے نہیں۔ موجودہ آرمی چیف کے حوالے سے اتنے بڑے فیصلے پر کوئی بحث ہوئی ،ایک اٹارنی جنرل اور ایک وزیرقانون اتر کر آگئے ڈیڑھ دن کی بحث کے بعد اتنا بڑا فیصلہ جس میں ساری پارٹیز کو بلانا چاہیے تھا بڑے زیرک وکلاء ہیں پاکستان کے ان کو بلانا چاہیے تھا ریسرچ ہونی چاہیے تھی۔ اب فیصلہ جو لکھا ہے کوئی بحث نہیں سنی اس میں جو سب سے اہم بات ہے اس کا ذکر ہی نہیں ہے کہ کیا وجہ ہے کہ 1956 ،1962 ، کا آئین ہے 73 کا آئین کسی میں بھی مدت نہیں ہے آرمی چیفکی اس کی کیا وجہ ہے ، اس کی وجہ ہے Because the army chief like the attorney journal like the governor serves at the pleasure of the President اس کی کوئی مدت نہیں وہ تین مہینے بعد گھر بھیجا جاسکتا ہے۔ ہمارے ہاں سمجھا یہ جاتا ہے ۔ The Prime minister serve of the pleasure of the Army chief not that the army chief serve at the pleasure of the president ۔ جنرل مکارتر ہیرو تھا جنگ کا جنگ کے وقت ہی نکال دیا گیا تھا۔ جنرل میک لسٹر امریکہ کا، چار سال ٹین ایئر ہے عراق گیا راستے میں صحافیوں سے بات کی وہ چھپ گئی اس کو کہا گیا کہ وہیں سے واپس آجاؤ اور چارج چھوڑ دو اور اس نے چارج چھوڑ دیا چار سال لکھے ہوئے ہیں لیکنhe serve at the pleasure ۔ اگر حکومت یہ فیصلہ کرے کہ جنرل قمر باجوہ کو ہی رکھنا ہے ہر حال میں اس میں ان کو مسائل ہوں گے کہ کس طرح گنتی پوری کرتے ہیں اگر آرمی ایکٹ کی بھی ترمیم کرنی ہے تو اکثریت تو چاہے ہوگی سادہ اکثریت۔حکومت شاید یہ سمجھے کہ ووٹ سے بچنے کا ایک ہی طریقہ ہے کہ باجوہ صاحب سے کہیں کہ آپ کی خدمت جتنی کرسکتے تھے کر لی اب ہمیں کوئی مشورہ دیں کہ اگلے چار پانچ ٹاپ جنرل میں سے کونسا بہتر آرمی چیف ہوگا اور میرٹ پر نیا آرمی چیف لے آئیں تو پھر سب ختم ہوجائے گا سارا فیصلہ ختم ہوجائے گا ۔ پاکستان کی ملٹری تاریخ میں جو دو تین آرمی چیف مثبت انداز میں اپنا نام رقم کر دیں گے اس میں ایک راحیل شریف اور قمر جاوید باجوہ ہوں گے کیوں کہ انہوں نے شمالی وزیرستان کا معاملہ سدھارا، آج کا امن اس بات کا ثبوت ہے اور یہ فرنٹ فٹ پر گئے ہیں یہ سولجر جنرلز تھے انہوں نے جنگ کی وردی پہنے رکھی ہے ممکن ہے جنرل باجوہ کے آخری تین چار مہینے ہوں اس پر مجھے افسوس ہوگا۔

تازہ ترین