• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فواد چوہدری ہر مہینے ہیرو بننے کی کوشش کرتے ہیں، فیاض چوہان

آج کا اخبار
اہم خبریں
24 جنوری ، 2020
کراچی(جنگ نیوز) وزیراطلاعات پنجاب فیاض الحسن چوہان نے کہا ہے کہ فواد چوہدری ہر مہینے ہیرو گیری کرنے کی کوشش کرتے ہیں نظم و ضبط کی خلاف ورزی کی انہوں نے حد کردی ہے جس کشتی کے سوار ہوں اس کا بھلا سوچا جاتا ہے فواد چوہدری کادائرہ اختیار نہیں ہے، استحقاق نہیں ہے کہ وزیراعلیٰ پنجاب کے حوالے سے کوئی رائے قائم کریں،اپنی وزارت میں کوئی کام کرکے بتائو،وزیراعظم پاکستان، پارٹی کے ہیڈ کے طور پر بھی وہ صوبہ پنجاب کے وزیراعلیٰ کے حوالے سے یکسو اور سو فیصد مطمئن، صوبے کی پوری کابینہ سو فیصد یکسو، ٹریژری بینچوں سے تعلق رکھنے والے سارے ایم پی اے یکسو ہیں تو فواد بتائیں انکو کیا مسئلہ ہے مجبوری یہ ہے کہ فواد میرے دوست ہیں ورنہ میں اپنے مخصوص انداز میں جس طرح اپوزیشن کو ڈیل کرتا ہوں ان کو بڑے اچھے اچھے جواب دیتا،ہر چیز کی ایک حد ہوتی ہے فواد چوہدری کو اپنوں کے حوالے سے بات کرتے ہوئے ابھی تک تجربہ اور سمجھ نہیں آئی تھوڑا سا اپنے آپ کو کنٹرول کریں وہ ہمیشہ افراط و تفریط کا شکار رہتے ہیں کبھی نہیں سدھر سکتے کبھی کبھی اکا دکاکوئی دو چار سال میں بندے سے غلطی ہوجائے تو چلو ہوتا ہے ان کی عادت ہے انہوں نے ہیرو گیری کرنی ہوتی ہے خدا کا واسطہ ہے کبھی آپ مولویوں کے چھتے میں ہاتھ ڈالتے ہیں کبھی آپ عثمان بزدار کے چھتے میں ہاتھ ڈالتے ہیں چھوڑیں مولویوں کو اور وزیراعلیٰ عثمان بزدار کو، آپ چندریال ٹوکے مقابلے میں کوئی غوری ٹو غوری تھری تیار کریں۔
تازہ ترین