آپ آف لائن ہیں
جنگ ای پیپر
بدھ24؍ جمادی الثانی 1441ھ 19؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

بلوچستان: ٹریفک حادثات میں 16 افراد جاں بحق

بلوچستان کے علاقے جھل مگسی، سنجاوی، پنجگور اور مستونگ میں ٹریفک حادثات میں 16 افراد جاں بحق اور51 مسافر زخمی ہوگئے۔

لیویز حکام کے مطابق بلوچستان کے ضلع جھل مگسی میں باراتیوں سے بھرا منی ٹرک باریجہ کے مقام پر بےقابو ہوکر کھائی میں جا گرا جس کے نتیجے میں بچوں اور خواتین سمیت 13 افراد جاں بحق جبکہ 40 افراد زخمی ہوگئے۔ 

واقعے کی اطلاع ملنے پر ڈپٹی کمشنر شرجیل اور دیگر حکام نےموقع پر پہنچ کر لاشوں اور زخمیوں کو مقامی اسپتال منتقل کردیا جبکہ شدید زخمی ہونے والوں کو لاڑکانہ منتقل کیا گیا ہے۔

بلوچستان کے ضلع سنجاوی میں مسافروں کو لے جانے والی پک اپ گاڑی گہری کھائی میں گر گئی جس کے نتیجے میں باز محمد اور اسکی اہلیہ موقع پر جاں بحق جبکہ 8 افراد زخمی ہوگئے جنہیں سنجاوی اسپتال منتقل کیا گیا۔

تیسرا حادثہ پنجگور سے 15 کلو میٹر دور سرسانڈ کے مقام پر پیش آیا جہاں پک اپ گاڑیوں میں ہونے والے تصادم کے نتیجے میں محمد امین نامی شخص جاں بحق ہوگیا۔ حادثے میں 2 افراد زخمی بھی ہوئے۔

قومی خبریں سے مزید