فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری کا یوم پاکستان پر اپنے پیغام میں کہنا ہے کہ قوم آج کا دن ایسے حالات میں منا رہی ہے جب دنیا ایک بڑے خطرے سے دوچار ہے۔
بلاول بھٹو نے اپنے پیغام میں کہا کہ آج سیاسی قیادت اس عزم وحوصلے کی پیروی کرے جس کا مظاہرہ قرارداد پاکستان کے وقت کیا گیا تھا۔
انہوں نے کہا کہ کورونا وائرس کی وباء نے ہمارے ملک کو بھی متاثر کیا ہے، ہمیں ملک گیرلاک ڈاؤن کے ساتھ ساتھ دیگر حفاظتی اقدامات کرنے کی ضرورت ہے۔
بلاول بھٹو کا کہنا ہے کہ قرارداد پاکستان ہمیں بنیادی رہنما اصول فراہم کرتی ہے، ان اصولوں پر عمل پیرا ہوکر قوم کو مساوات، امن اور خوشحالی کی بلندیوں پر پہنچا سکتے ہیں۔
انہوں نے کہا کہ پیپلز پارٹی نظریہ پاکستان اور قرارداد پاکستان کی حقیقی علمبردار ہے، پیپلزپارٹی قائداعظم، شہید بھٹو اور شہید بینظیر بھٹو کے خوابوں کو تعبیر دے گی۔
پی پی چیئرمین نے کہا کہ ہم اس تعبیر کی خاطر ہربگاڑ، ناانصافی اور ظلم وجبر کے خلاف جدوجہد جاری رکھیں گے۔
