فرمان الہی
نماز کے اوقات
وزیرخارجہ شاہ محمود قریشی سے چینی سفیر یاؤ جنگ نے وزارت خارجہ میں ملاقات کی جس میں کورونا وائرس سے پیدا ہونے والی صورتحال پر تبادلہ خیا ل کیا گیا۔
شاہ محمود قریشی نے کہا کہ خوش آئند بات یہ ہے کہ چین میں زندگی معمول کی طرف لوٹ رہی ہے۔
وزیرخارجہ نے کہا کہ چین میں ادارے کام کرتے نظر آ رہے ہیں اور ٹرانسپورٹ کا پہیہ حرکت میں آ چکا ہے۔
انہوں نے کہا کہ پوری دنیا وبا سے نمٹنے کیلئے چین کے ماڈل کی پیروی کررہی ہے۔
وزیر خارجہ نے مشکل وقت میں پاکستان کی مدد کرنے پر چین کا شکریہ ادا کیا۔
شاہ محمود قریشی نے کہا کہ چین سے فراہم کردہ آلات وبا سے نمٹنےکی استعداد کار میں اضافہ کریں گے۔ کورونا وائرس سے متعلق پاکستان چین کے تجربات سے استفادہ کر رہا ہے۔
چینی سفیر نے کہا کہ چین اور پاکستان آئرن برادر ہیں، مشکل وقت میں پاکستان کے شانہ بشانہ کھڑے ہیں۔
انہوں نے کہا کہ چین وبائی چیلنج سے نمٹنے کیلئے پاکستان کی معاونت بدستور جاری رکھے گا۔
