فرمان الہی
نماز کے اوقات
گزشتہ روز کورونا وائرس سے متاثر ہونے والے ایدھی فاؤنڈیشن کے سربراہ فیصل ایدھی کے لئے اداکارہ ماہرہ خان نے نیک خواہشات کا اظہار کیا ہے۔
سوشل میڈیا اکاؤنٹ پر ماہرہ خان نے پیغام میں لکھا کہ وہ فیصل ایدھی کے لئے دعا گو ہیں کہ وہ جلد صحتیاب ہوجائیں۔
اداکارہ ماہرہ خان کے اس ٹوئٹ کو ہزاروں صارفین نے پسند کیا، ساتھ ہی لوگوں نے بھی فیصل ایدھی کی صحت یابی کے لئے دعا کی۔
دوسری جانب فیصل ایدھی نے اپنے ایک ویڈیو پیغام میں کہا تھا کہ بہت سارے لوگوں کو کورونا ہوا اور وہ ٹھیک ہوگئے، میں بھی جلد صحتیاب ہو جاؤں گا۔ ایدھی ورکرز پریشان نہ ہوں، لوگوں کی خدمت کا کام جاری رکھیں، میں تمام ورکرز سے فون پر رابطے میں رہوں گا۔
